يـالـيـل مـدري يـاســنه مـابـهـا شــمس

[خوي النهار]

ياليل مدري ياسنـه مابهـا شمـس
متى ظلامـك ينجلـي عـن سمانـا

وينفك من قيد النكد خاطر(ن) عمـس
مـن خلقتـه كنـه وكيـل الحزانـا

ظنه يصير اليوم والصبح مثل امـس
لين انقلـب ضحكـه نياحـه ولانـا

وعلى الزمان اللي مضى وابعد الرمس
عين ذرفت حسـره ولاخـرى حنانـا

من شاف واقع حالته قال بـه لمـس
هـذا نسـي نفسـه وحنـا نسـانـا

وصبح وحيد بعزلته هرجتـه همـس
لونزهـمـه مايستجـيـب لنـدانـا

بيت الفرح فيه انهدم وانطمس طمس
سور المصايـب ماتـرك لـه مكانـا

وليا طرالـه ونسـرق كنـه النمـس
مسـه عـذاب وشـاف ذل وهوانـا

وبنار طاريه انشوى وانحمس حمـس
يبكـي علـى حالـه عديـم الجنانـا

في غبة امواج الحزن منغمس غمـس
غريق بحر احـزان عزمـه توانـى

ماله جدا الا يصفق الخمس بالخمـس
ويموت هـو ويـا الفـرح مايتدانـى


الشاعر ساجي عبد الله