| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2012-02-13, 10:29 AM
|
|||
|
|||
70 صورة لكشتة الصمان 15 /3 – 18 /3 /1433 أم صحن – زعير – الروثية.:. سال السيل .:.
  وهذي كم صورة من فيضة أم صحن والربيع لك عليه والجو مخيف شوي..   البيض المقلي من يدين أبوإبراهيم ، والكبدة من يدين أبوفهد لا عدمناهم..    بعدها شد الهواء وزاد العجاج.. وتجولنا بكم فيضة حولنا أم غرس وأم قرو وبعض ردايف الفياض.. ولم تكن بالمستوى المأمل.. لذا وجهنا جهت فياض زعير وذيك الجهات لأن حدا الربع خابرهن أطيب خصوصا الروثية كان به مناقع من مطرة قبل أسبوعين.. فوجهنا لزعير وكانت هي جلستنا ومبيتنا الأربعاء كله.. وهذي صور منه وكان وصولنا ولله الحمد مع ركود الجو..        وبسم الله بدا أبوفهد طباخنا القدير بالغداء ولا بد من الكشنة والبزار الخاصة..     وبعد ما طبخة لحمة الساكني بالكاتم.. وصب طباخنا الماء على الرز وتشربه يجي دور وضع الكشنة والبزار على الرز..     يلوموني فيك ياابوفهد.. تسلم هالأيادي.. وهذا الغداء جاهز اقلطوا حياكم الله..  وبعد الغداء أبعدنا عن جلستنا شوي لأن فيه مكان فيه شبه قبل.. بالإضافة لأن الجو سكن وركد فماله داعي الرواق.. وهذي الجلسة والشبه ولا بد من شاهي مخدر بعد الوجبة الدسمة..   وهذي مناظر من الفيضة..    وصار لنا موقف الحقيقة من أطرف ما مر علينا.. وحنا جالسين نتقهوى.. ولا جيران لنا بالفيضة منطلق الهرفي من عندهم وقاعدين يلاحقونه واحد على رجليه والثاني بالموتر.. يوم وصلوا حولنا ويطمرون الربع يتختلون له (يختبئون له) وطمر واحد من الربع وراه وعجز يجيبه.. والسيارة وراه.. وجا خويه الثاني وركب الموتر يوم شافنا جينا.. والحقيقة إنه سريع بلحيل ولا قدرنا نمسكه إلا بالحيلة.. حده راعي الموتر ووقف ولا واحد من الربع قباله ولا تحرك والهرفي يناظره يتحراه يتحرك عشان يهج.. ولا راعي الموتر تاله من ورى ومدخله الموتر.. شارك بالمغامرة اثنين راعين الهرفي ومن الربع 7 هههههههههه.. وهذي صورة ما تدري من الملحوق تقول خوينا يلحقه الهرفي والموتر.. هههههههههههههههههه  يا زين الشبه ويا زين الجميرات..  وبعد الجلسة الحلوة والسوالف الطيبة.. ويوم جمرت ضويتنا ولا الساعة قريب من 10 وحنا متغدين آخر الظهر.. قربنا شبك الشوي وشوينا عشانا..  ومن بكرى اللي هو الخميس.. بعد القهوة والحليب بدينا بالفطور واليوم يوم المقلقل.. وبسم الله قطعنا اللحمة وجهزنا البصل والطماط والثوم والحبحر.. وصغرة الصاجه لأننا مكثرين لحم.. فحطينا المقلقل بالكاتم بعد ما حمسنا البصل بالصاجة.. وهذا فطورنا حياكم الله..      وبعد الفطور وجهنا لفيضة الروثية ومرينا بالطريق على فيضة صغيرة والبخراء وردايفه وهن طيبات بس عيبهن يمر عليهن أو على وحدة منهن درب المقانيص.. والصور الثلاث أظنهن للفيضة الصغيرة.. ثم صور الرويثة..                 وبعد طبخ أبو فهد استحوا الربع يطبخون.. وجزاه الله خير ما قصر.. بدا باللحمة وصفه بالكاتم.. الله يسلمك يا أبوفهد ويبيض وجهك..    وعلى بال ما تطبخ اللحمة ناخذ لنا فنجال قهوة..  وهذي الكشنة والبزار جاهزه والرز يحتري بس ماء اللحمة..   على بال ما يجهز الرز ناخذ لكم كم صورة من أطراف الفيضة.. والعالم كوك تقول بمزدلفة ما شاء الله تبارك الله..     وهذا الكاتم فيه اللحمة والعيون عليه..  الغداء جاهز يالللللله حييييييهم..    وتحلو الجلسة والشبة بالليل مع إبريق الشاهي..  وهذي كم صورة من باتسر الجمعة قبل الرحيل من الصمان..     وبالطريق مع درب المقانيص مرينا على كم فيضة منهن وأجملهن الجميلي.. وهي عبارة عن كم من فيضة حول بعض.. ثم مرينا على بربك دغيم وكانت شبه مقحطة ولا دخلناه.. وبالطريق صادفنا هالطيب ولحقناه لكنه ضعيف وهزيل توه طالع من جحره هاجن من البرد.. فأعتقناه لوجه الله..  وإلى هنا نصل لختام الكشتة والتقرير.. أرجو أن أكون وفقت لتقديم ما ينال إعجابكم.. وتحياتي لكم جميعاً.. وأتمنى من الأخوة الكشاتة أن يحرصوا على نظافة الفياض.. وجمع المخلفات في أكياس قمامة وعدم تركها مبعثرة ولا إحراقها لأنه يشوه جداً.. ودعواتي لكم بالتوفيق..
|
|
#3
2012-02-13, 01:23 PM
|
||||
|
||||
بيض الله وجهك تقرير كبير وجميل
|
|
#5
2012-02-13, 02:51 PM
|
||||
|
||||
|
بارك الله فيك
|
|
#6
2012-02-13, 04:34 PM
|
||||
|
||||
|
اقتباس:
حياك الله.. وشكرا لمرورك.. اقتباس:
حياك الله.. وشكرا لمرورك.. اقتباس:
حياك الله.. ويا وسهلا بالغالي.. دائما متواجد الله يحسسك ويسلمك وتحرجني بثنائك العطر.. وكل هذا من حسن 1اتك ومن ذوقك يالغالي.. وفعلا طردي الهرفي لحاله بس كنا متحمسين ولا ليتني صورة صور أكثر.. ألف شكر لمرورك العطر.. اقتباس:
حياك الله.. حضور وتشريفك أكثر روعة وشرف لي يالغالي.. وفياض ابن زريبان شفتهن بالقارمن بس ما كان عندنا علم إنهن طيبات.. والصمان ماش هالسنة الله يخلف علينا بأكثر.. لكن ما أدري اللي من جهة الرفيعة وشوية أم المصران وشقران وهكالجهات.. سمعت أن بعضهن طيب..
|
|
#7
2012-02-13, 05:16 PM
|
|||
|
|||
|
صور رائعه ورحله موفقه بارك الله فيك
|
|
#8
2012-02-13, 05:17 PM
|
||||
|
||||
|
تقرير رائع وصور تعبر عن متعة البر وجماله في غاية الجمال شكرا لك اخي
|
|
#9
2012-02-13, 05:31 PM
|
||||
|
||||
|
بيض الله وجهك والله يطول بعمرك
|
|
#10
2012-02-13, 07:19 PM
|
||||
|
||||
|
بارك الله فيك اخي الغالي على التقرير الطيب مشاء الله
|
|
|
|
العرض العادي
