ليت المكان اللي جمعني بغالي

[أحمد السكران]

https://youtu.be/oEuzhv3X9LA

ليت المكان اللي جمعني بغالي
ماقد جمعني فيه ولا اعترف فيه

اصير الى مريت مانيب ابالي
ماهوب الى مريت لدّيت اراعيه

واقول ياوجدي وياعزتالي
وماغير اهذري فيه وارثيه وابكيه

واذكر وناستنا بذيك الليالي
يوم اني افرح به واشوفه واحاكيه

الى تناسيته وريّحت بالي
مدري وش اللي ياجماعه يطرّيه

له منزلٍ بالقلب والروح عالي
اثري تناسيته ولا نيب ناسيه

وان كان في ذكره حصل لي مجالي
سولفت به كن السواليف تحييه

والى انتبهت احس كني لحالي
وونيت ونة من زمانه مشقّيه

ليت الزمن ماقد جمعني بغالي
ماقد جمعني فيه ولا اعترف فيه

أحمد السكران

[الركام]

صح لسانك يااحمد السكران على هذه القصيدة الرائعة

[بقآيآ .. حرف]

ليت الزمن ماقد جمعني بغالي
ماقد جمعني فيه ولا اعترف فيه

صح لسانك وعلا شانك
أبدعت شاعرنا الجزل
كل التحايا لك على تواجدك ومشاركتك
لا تحرمنا من نزف قلمك

[عبدالمحسن الرحمه]

صح الله السانك يابو عثمان
أنور المنتدى بوجودك

[أحمد السكران]

المشاركة الأصلية كتبت بواسطة الركام

صح لسانك يااحمد السكران على هذه القصيدة الرائعة

صح بدنك ياغالي والروعه بحضورك

[أحمد السكران]

المشاركة الأصلية كتبت بواسطة بقآيآ .. حرف

ليت الزمن ماقد جمعني بغالي
ماقد جمعني فيه ولا اعترف فيه

صح لسانك وعلا شانك
أبدعت شاعرنا الجزل
كل التحايا لك على تواجدك ومشاركتك
لا تحرمنا من نزف قلمك

صح بدنك والابداع في مرورك

[أحمد السكران]

المشاركة الأصلية كتبت بواسطة عبدالمحسن الرحمه

صح الله السانك يابو عثمان
أنور المنتدى بوجودك

صح بدنك يابومالك والنور نوركم

[سحاب شقراء]

الله عليك يااحمد هذا التوجد يبكي
الله لا يلومك

الحب بلوا والتوجد بلاوي
والي تبي شوفه زمانه يخفيه