(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

عل غصنٍ مايجي ظله برادي
تقلع جذوره قبل يظهر خويه
ألف علم وألف درب وألف وادي
كلها مرت من البارح هنيه

[بقآيآ .. حرف]

لا تشوف الحب من ألفين باب !
منهو اللي قصّر و منهو عطا ؟

بالنهاية غلطة احبابك صواب ،
وكل صايب من عدّوينك خطا

[بقآيآ .. حرف]

شدّيت فيكم ظهر قلبي..؛فلا تتركوا
قلبي يشيل الحمول الجايرة..منحني

خلف الأسلمي

[بقآيآ .. حرف]

يا رب لي ظن ما يشبه حفيف الشجر
لا هاجت الريح في موسمه واجتاحته
،
يشبه تندّاي غصنٍ في صلاة الفجر
يوم أوغل البرد في القرية على راحته

[بقآيآ .. حرف]

وش اللي خاطفٍ لونك احسّك حيل مستعجل
كـأنك تنتظــر غيبــة تمر و تاخـذك معهـا

[بقآيآ .. حرف]

ما عاد أحمّل غيري الذنب لا ضقت
أنا وصكّات الليال .. انتفاهم
،
مثل ما فيه أحيان تضحك إليا رقت
مثل ما فيه أحيان تبكي من الهم

[بقآيآ .. حرف]

تركوا لي واحد يمسح شقايْه،
كل ما حط الزمن دوبه ودوبي
ذاك والله لا ذكرت انه ورايْه:
اشعر إن الكون كله وسط ثوبي

[بقآيآ .. حرف]

تلّيت من ريع قلبي كـل شـوق امغـروس
وخليتك بصـدري الممحـل علـى راحتـك
عبدالله البكر

[بقآيآ .. حرف]

على وين ياللي فاتح الصدر للأحباب
ترفق ترى لا زادوا أحبابك بتتعب
ما بين الرحيل الراقي وفص ملح وذاب
وظلم الظروف وناس ماودها تنحب
عبدالله البكر

[بقآيآ .. حرف]

يا براءة هالحياة بعين من شاهدها
من فؤاده وأحسن النية بكل أفعاله
لارضا يمشي مع الأحلام ماسك يدها
وتنفتح له كل بيبان الفرج وأقفاله
عبدالله البكر