شبكة البراري

  #1  
قديم 2019-11-27, 08:48 صباحاً
الركام الركام غير متواجد حالياً
شاعـر متمكن
وسام التميز الذهبي:  - السبب: نظير مشاركاتكم ومجهوداتكم المتميزةوسام التميز الذهبي:  - السبب: نظير مشاركاتكم ومجهوداتكم المتميزة
تاريخ التسجيل: Jan 2009
المدينة: الرياض
المشاركات: 12,095
جنس العضو: ذكر
الركام is on a distinguished road
افتراضي كورة قدم صارت بها ترفع الروس

كورة قدم صارت بها ترفع الروس
ويهـدى لها عند النهـايه بعـد كاس

والناس صارت عندها دايم جلوس
في طبعهم دايم جلوس بلا حساس

لوتطلـبه ماجاك وتقـول مـحبوس
وعن الصلاة الـهاه وسـواس خناس

تضــيّع الاوقــات وتضــيّع فـلـوس
والمعذرة ماقلت انا كل هالناس

ياليت هذا الكاس يعطى لمحسوس
في علم والا في صناعة فـلا باس

لكـن على ماقـيل اتنكـسـت روس
غلي الفحم رخص الذهب هو والالماس

لاهيب فعل زيـن ولاهي بنامـوس
من اسمها كره بدت فعلها انجاس

طغت على ناس وكثرت بها هجوس
ومن حبها كم واحدٍ صار محـتاس

وان كان هاللاعب حلق شعره بموس
ياكثر مـنهم يـتـبـعــونـه بلا قياس

يالله عسى من قصدهم شر مدسوس
وكيدٍ للامـة كيد شـيطـان وسواس

تضرب على هاماتهم اكبـر الفـوس
حتى يتوب اللي نوى يهدم الساس

الركام

التوقيع:
رســـالة لمنهــو بدا الشعر يكــتـــب =
اليابغيت الشعــر ياتــيك طوعـــي
الـزم ثلاث وخـــل بيـــتك مرتــــــب =
الوزن والمعـنى وقافٍ سجـوعـــي
وتخـــير لقــولك بوقــتٍ مناســــــب =
واخــتار وقـتٍ فيه كل هجوعـــي
واليا اجتمع عندك معـاني فهـــذب =
وخل الفراش وخل زين الطبوعـي
وخذ القلم واكتب من الشعر واسهب =
تلقى المعاني كلها لك خضوعـــي
وغنه بلحن وارفع الصوت واطرب =
وارسل لنا ابيات شعرك تبوعــــي
وان كان ماجا لك مع الشعر مذهـب =
خــله ترى مافــيه ســـدٍ لجوعــــي
خــله ترى مافـــيه زودٍ و مكســــب =
لا شـك في بعـضه بتـلقى نفوعـــي
ابيات شعــر صاغــها لك مجـــــرب =
هـــدية مــالي وراها طــموعـــــي

الركام
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع كتابة مواضيع
لا تستطيع كتابة ردود
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
الانتقال السريع إلى

Loading...
الساعة الآن: 06:57 مساءٍ

[ البحث في شبكة و منتديات البراري بإستخدام محرك البحث Google ]

Powered by vBulletin® Version 3.6.8
Copyright ©2000 - 2019, Jelsoft Enterprises Ltd.
جميع الحقوق محفوظة © لشبكة ومنتديات البراري 2010  
المشاركات أو الآراء المنشورة في شبكة البراري لا تمثل بالضرورة الرأي الرسمي لشبكة البراري بل تمثل وجهة نظر كاتبها