باحث اثار وولدنجد وعاشق البران ورحلة خلف الامطار ( باحث اثار )

[باحث أثار]

بسم الله الرحمن الرحيم

السلام عليكم ورحمة الله وبركاته ....... وبعد
بعد عصر هذا اليوم الثلاثاء الموافق 7-4-1428هـ هطلت امطار غزيرة على الزلفي وطريق المجمعة في القرب من شعيب السايلة
حيث سالت بعض الشغايا والحمدلله
وتصل بعضنا على بعض باحث اثار وولده عبدالرحمن
وولد نجد وأبو عبدالعزيز وحبيبنا عاشق البران
وتواعدنا في طريق المجمعة
وتقابلنا وتم الاتصال على هادي وبلغناه عن الامطار مسكين والله ضاق صدره شوي يقول اجي لمكم بس وين بعيد يمديني اجي تخبرون عاد قلنا له لالا مايمديك قبل الليل
لا عاد الثاني ابو عبدالعزيز التميمي ابوسامي بشر وشلون الجو عندكم ابد ابشرك علينا مطر على طول قال صحيح ماشاء الله عليكم ابوسامي دايم عليكم سيل وامطار انا علينا عج طيب ابو عبدالعزيز وينك فيه قال ابد اصيد ضبان حول اشيقر أنا ومعي خالي طيب التميمي وين حمايتك للبيئة قال وش نسوي نبي نصيد وناكل انا مانلعب
على العموم للموضوع بقية من اخواني
عاشق البران وولد نجد

باحث اثار يبحث عن العراجين

عاشق البران يتمشى وولد نجد يصور وهو مبسوط والحمد لله

احدى الشغايا تمشي تصوير ولدالباحث عبدالرحمن

ارجو ان ينال على اعجابكم ورضاكم
الثلاثي المتحد

[عبدالهادي المفرج التميمي]

وين صوووووووووور الشاهي

او سفري من كودو

مبرووووووووك الامطاااااااااااار





سلام

[عبد الله الحقيل]

المشاركة الأصلية كتبت بواسطة هادي

وين صوووووووووور الشاهي

المشاركة الأصلية كتبت بواسطة هادي

او سفري من كودو

لااااااااا ،،،

فيه شاهي وأكثرررررررررر ،،،

جا دوري وخرو ،،،

اتصلت اليوم مع العصر على أخوي أبو سامي ( باحث آثار ) وأفاد بأمطار على الزلفي وشمال فما تمالكت نفسي حيث كان الجو عندنا مغبر ومافيه سحاب فتوجهت ناحية الزلفي ( 70كلم شمال عنا ) ،،،

هذي صورة لحالة الجو يوم طلعت من المجمعة :

وهذي صورة بعد ماتعديت المجمعة بـ 20 كلم والسحاب كل ماله ويزين :

صورة يوم صرت بين المجمعة والزلفي ( جاني عج قوي ) :

بعد هذا الغبار والعج وتحديداً عند شعيب السايلة نزل مطر غزير جداً لكن ماطول ومعه هوا قوي وماقدرت أصور المطر من قوة الهواء ،،،

وسالت بعض شغايا السايلة بمنظر جميل بالحيل بعد العج والغبار ويارب من فضلك ،،،

والصور الأربع الجاية للسيل ( الي يرد الروح ) :

يتبع ،،،

[عبد الله الحقيل]

والتقيت بعد شعيب السايلة مع الأخوان ( باحث آثار وولد نجد ) وتمشينا في هالاجواء الرائعة وصورنا واستانسنا وجمعنا عراجين ،،،

وعراجين بأحجام وأشكال وهذا عرجون لحاله :

وهذا عرجون ومعه ولده يناظروني ويقولون وش يبي :

وهذا ابو سامي يتمشى ولاحظو السحاب كيف مظلم ناحية الزلفي :

وهذا عش أحد الطيور عثر عليه أبو سامي وسبحان الله مكانه فوق شجرة رمث وفيه بيضتين وفرخ :

صورة أخرى مقربة والي يعرفه يقول ( راح يكون هناك موضوع مستقل بصور أوضح ) :

وبعد التمشي تم اختيار مكان للجلوس وشبة النار والتقهوي والحقيقة المكان جميل جداً رمث اخضر والارض رملية ممطورة :

وهنا لاحظو السحاب كل ماله يزين على الزلفي :

والصورة الأخيرة هدية لهادي حيث كانت الظو عامرة وقهوة وشاهي وعلوم غانمة :

هذا كل ماعندي ،،،

ماشاء الله تقرير موثق بالصور ولا اروع الله يعطيكم الصحة والعافيه

باحث آثار - عاشق البران- ولد نجد شكراً لكم

دمتم في حفظ الله ورعايته

[معدي المرقاب]

ماء شاء الله تبارك الله

طلعه موفقه وتصوير مميز

حفظكم الله ورعاكم جميعا

[خالد العوض]

ممتاز بارك الله فيكم
-------------------

[التميمي]

ما شاء الله تبارك الله ان شاءا لله بكرا نسيل وتجونا

اما الضبات لا تنشد حطينا حرتنا فيها والحمد لله على كل حال

والا جتكم الامطار علمونا بدري علشان نجي ترا بين شقراء والزلفي اكثر من 150 كيلوا

[مراسل/جدة]

****************

الله يا زين الجو عندكم ،،،

والله إمنيت حياتي إني أكون في مثل هذه الأجواء ،،،،

الله يزيدكم من فضله ،،،،

ويغيثنا غيثاُ عاجلاً ،،،،

================

[ابوبدران]

شاءلله علييكم..


رحلاات تفتح النفس..

الله يوفقكم ويجمعكم على الخير والمحبه..


تقبل مروري اخي الكريم..

وشاكر لك طرحك للموضوع