الكسرة و بحور الشعر .. شعراء البراري

[سحاب شقراء]

سبحان منهو جاعلن لشروقها دايم مغيب
والمزون الي تبارق تتجه بمر الكـــريم

والبشرتختلف بطبـوعـها وفيهـم مـريب
وشهدالله يالركام انك على الدرب القويم

وشرهتك ويا المراجل تنشدك وين المجيب
وجاوبك عودن تلقف وجاب عج اوهو نسيم

جت في بالي ونا اكتب لك قوله لا تحكك بالجمل ونت حويشي

[الركام]

اجمل غياب اللي يخليك تشتاق
‏واعظم غياب اللي يخليك تقسى

‏وترى الغلا اللي مايوصلك لعناق
‏اخير لك تنسى وراعيه ينسى

.منقول

[الركام]

هذا كـلام اللي من الـبـعـد قد ذاق
ومن العذاب وشرب من المر واقسى

يـومـه يذكـر لـه رفــيــق ولـه تـاق
والـبـعـد ماخـلاه يقسـى ويـنسى

[بقآيآ .. حرف]

‏‎‎يا أهل مكه ويا أهل القرى
انتم أدرى في بطون أشعابها

الاوادم طبعهم عوّد ورا
وين وقت اول ووين ألبابها

بقآيآ ..

[الركام]

سحابة هلت على وادي نساح
ياليـتهـا مـرت على كـل ديـرة

تشـوقـنـا في برقـهـا كل مالاح
امـطـارهــا وبـل كـبـار غـزيـرة

يالله عسى في يومنا كم مرواح
كل مامشى مرواح يحـل غـيره

مادام باقي ايام في الوسم ماراح
يـعـم كـل ديار باقي الـجـزيــرة

[الركام]

على سكته يمشي سحاب الوسم مامال
بامـر الـعــزيـز اللي يدبـر مـنـاشـيـــه

على حافة من ربعنا محـتـواه رمــال
سكنا.. وجفافه مثر في ممـاشـيـــه

[الركام]

بحر العرب سخونته تزداد
‏ليا فاح لا بد ياتي شي
‏ان كان في الصيف عصفه زاد
‏ ولـ ديارنا صار مايمشي
‏وان جا الشتاء يم دارك فاد
‏يفرح هل البل والطرشي
‏مافيه طبـعا لجـوك سـاد
‏والله عـليـم بمـا ينــشي

[الركام]

ترا الوفي يحضر ولو غابت الناس
ماهو بطالب دين بعطيك عطني

جنس الوفي نادر ولكن لاباس
في وقتنا الحاضر كثير بظني

[الركام]

غابوا كثير من الاحباب
والمنتظر مادروا مابه

ياكيف ماقلتوا الاسباب
ولا حسبتوا له احسابه

[الركام]

لـه حـنـيـن ميـر عـيـا لايـبـيـن
حالت ظروف الحيا لا تظهــره

ساكنا في القلب من عدة سنين
اذكره في السر واخفي ماجهره