(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

كل خطواتي طواريك انا مالي مكان
ذكرياتك فوق قلبي تغني واتعزف
.
صرت انا والضحك عقبك على طول الزمان
الفقير اللي ليا جاته المدّه حلٓف

[بقآيآ .. حرف]

بعد تفكيرن عميق اكتشفت ان الحياه
لاعطتك الصدق ماعاد خلت لك صديق
..
واكتشف أن أكثر الناس ما منهم غناه
عاد ذي سهله ما يحتاج تفكيرن عميق

[بقآيآ .. حرف]

على كسر خاطري كنك موصّى وصاة
ما تذخر الكلمة الشينة على مسمعي
.
قبل امس اقلّب صورنا في ملف الحياة
يا دوب حصّلت صورة وانت تضحك معي

[بقآيآ .. حرف]

ياللي تقول السما وشلون ماتمطر؟
حنا نقول القيامه كيف ما قامت!
ٰ
تشوفلك شي واللي ماتشوف اكثر
سبحان من لاغفت عينه ولا نامت

[بقآيآ .. حرف]

مايداري خاطري كون ذعذاع الهبوب
والاانا من بوره الضيق والليل وورى
،
مامعي سبعه ضماير ولاتسعه قلوب
غير جرح لاذكرته !! طرالي ماطرى .

[بقآيآ .. حرف]

انا التايب اللي تاب قلبه / لوجه الله
عرف وش بقى له قبل يحسب مخاسيره

ياحلم العمر ودعتك الله فمان الله
عوضنا على الله مارجينا حدٍ غيره

[بقآيآ .. حرف]

ماضريت بذلة النفس وإنقاص المقام
والدروب الخايبه .. ماعرفها كلّها
ٰ
عقلي اللي سابقٍ عمري بعشرين عام
ردني عن طرقة الهون ، واللي دلها

[بقآيآ .. حرف]

ياهل العشق الجديد الممتلي بالفاضي
من جهلكم في حبايبكم عليكم خشيه
ِ
والله أني أعرفه زعلان ولاّ راضي
من تلفّاته علي ومن طريقة مشيه
سعد علوش

[بقآيآ .. حرف]

لاتامن إعجاف السنين تجيك بعد اسمانها
شف حال مثلك فالسنّين الفايته وأخذ العبر

[بقآيآ .. حرف]

واللـي ذهَـل عـَـقـلي وخــلاّني أنـْجـَن
خَطية الـمــيِّت يعذّب بها حـَــي
'

فرحان بن دبل