| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2010-06-18, 05:21 PM
|
|||
|
|||
مقلع طميه(الوعبه)+طميه+قطن وصف واحداثيات وصور(ابوالجازي)
  حي الله الجميع الله يمسيكم ويصبحكم بالخير هذي احد رحلاتي في صيف العام الماضي وكانت لمقلع طميه وطميه وقطن وكان اعضاء الرحله ثلاثة انفار انا و ابوعبدالرحمن وابو محمد وتشمل هذه الرحله وصف مدعوم بالصور والاحداثيات كان خروجنا من الرياض بعد صلاة العشاء ولم نستطع الوصول للمكان المطلوب وامرحنا على الطريق وفي الصباح واصلنا وهذي صوره بعد ما اصبحنا  مقلع طميه على ثلاث روايات الاولى انه فوهة بركانيه والثانيه انه اثر اصطدام نيزك (جرم سماوي) بالارض والثالث وهي قصه من الاساطير الشعبيه يقال ان طميه جبل (انثى) وفي ليلةٍ من الليالي لاح البرق فلمحت جبل قطن على نور البرق  فوقع عشقه في قلبها وانقلعت من مكانها وزحفت حتى اقتربت من قطن وبالمناسبه حبيت اذكر لكم هذه القصيدة اللتي تحكي هذه السالفه وهي من كلمات صليب الراي مـريـتـها صـدفـه وقالـت هـلابـك .................................وصل جواب مـن خـوي لـخـويـه قلت البقابك قولي اشهو جـوابـك .................................قـولـي تمني وابـشــري يـابـنـيـه بس اخبريتي قولي اللي صطـابـك .................................اكـيــد مـاضــيــلـك لـيـال رديـــه قـالـت عشقـت الله يـطـول شبابـك .................................وكـلآيبـي عـيـشـة حـيـاة هـنــيـه حـنـا جـبـال وبـيـنـنا الحـب شـابـك .................................نعـشـق بعـضـنا بالـيـال الخـلـيـه ضـلعان حـبة بعضها وش جرابـك .................................مـثـل البشرنعشق ونكره سـويـه قلت اكملي يابـنـت الاجـواد مابـك .................................هـاتي السوالـف كلها سـرمـديـه قـالـت ابـكـمـل بـس بـرك ركـابـك ................................واسمع من اللي وسطها نار حيه في ليـلـةً فـيـها الـبـروق اتـشـابـك ................................شفت الـوليف الي تـمـنـيــت لـيـه واسـمه قـطـن الـلـه يسلـم جـنابـك ................................كــنـه بــدر فـي لـيـلـةً اســوديــه ونـويـت اجـيه وقالـو الحب صابـك ................................قـلـت اتـركـونـي مالكم شغل فيـه وروحــت والــحــره عـليـه تـدابـك ................................وقامت تـرمي ابـحـجرهـا علـيـه ونـظـرت فيـهـا وقلـت ماجاصـوابـك ................................يـالـحــره الـي مـالـهـا قـابـلـيــه وصاحت على عكاش امسك زهابك ................................جـاتـك هـديـه ما وراهـا جـزيـه ماصـدق الاسود صرخ مـرحـبـابـك .................................وقـام ايتبسم وعتبـرني هــديـه حاولـت اخـمـه قـلـت لي فـك بابـك .................................من مـقـلعي جيتك اصفق بيديه قال استريـحـي ياهـلا وسـهـلابـك .................................وربـط حـبـال في يـديـه ويـديـه وانا طـلـبـتـك يـوم حـظـي لـفـابـك .................................قـول لـقـطـن ليـفرح العبـد بيـه قلت ابـشـري اني لـوصل جـوابـك .................................بـس عرفيني فيك قالت طـمـيـه طبعا انتم اختاروا اللي يناسب معكم من الاحتمالات الثلاث الان نبدأ بالوصف لمقلع طميه على خط الطايف السريع وانت جاي من الرياض وقبل الطايف ب 160 كيلو تقريبا وعلى الاحداثيات التاليه 22.21.049 41.33.300 تجيكم اللوحات التاليه     طبعا تفرق يمين بأتجاه الشمال وتجيك اللوحة الارشادية التاليه  وقبل هجرة ام الدوم يجي مفرق على الاحداثية التاليه 22.35.354 41.24.075 واللوحة الارشادية التاليه   توضح اللوحه ان مقلع طميه(الوعبه) باقي عليها 61 كيلو طبعا تتجه مع السهم لليسار حتى يجيك الدوار الموضح بالصوره  دوار الفانوس بعد الدوار يفترق الخط خطين انت اسلك الخط اللي تياسر وتجيك اللوحة الارشادية التاليه  طبعا استمر مع الطريق لايمين ولايسار وتجيك لوحات ارشاديه تدلك على طريق الوعبه  هذي اللوحة توضح ان مقلع طميه باقي عليه 12 كيلو  استمر على نفس الطريق احتى تصل اللوحة الموضحه بالصوره عند الاحداثيات التاليه 22.51.836 41.06.452 وتوضح اللوحه ان الوعبه تفرق لها يمين بأتجاه الشرق وباقي لها اربعه كيلو  الان وصلنا للمقلع ويتضح بالصوره مضله والمكان به مضلات للمتنزهين والسياح وهذه احداثيات الوعبه 22.53,725 41.07,910  وهذه اللوحه وضعتها الهيئه العامه للسياحه والاثار وهي توضح ان الوعبه فوهة بركانيه يبلغ قطرها 2500 متر تقريبا وابعادها عن الرياض والطايف  وهذي صوره لاحد اعضاء الرحله (ابوعبدالرحمن)وهو يتأمل في صنع الله بهذا المنظر العجيب  وفي الجهة الشماليه الشرقيه من الوعبه يوجد نخيل واشجار الاراك وخضره وهذه صوره للنخيل  وهذي الصوره مقربه للنخيل  تم النزول لمكان النخيل وياله من مكان فتان وهذا احد اعضاء الرحله (ابومحمد)وهو ينزل مكان النخيل  وهذه بئر بين النخيل وبها ماء  ارجو الانتظار باقي في الموضوع بقيه
|
|
#2
2010-06-18, 05:23 PM
|
|||
|
|||
|
نكمل معكم الموضوع وهذا البلح ملون وعلى وشك انه يتمر  يوم شفت هالمنظر والبلح متدني على الارض تذكرت الجنه جعلني الله واياكم ووالدينا من اهلها  وسبحان الله المكان يوجد به ماء يسورب مع العلم ان المنطقه حسب اقوال اهلها لم تمطر امطار غزيره منذ زمن وهذا منظر الماء وهو ينساب بكميات قليله جدا  وهذي صوره للماء تحت الاعشاب  اثناء تواجدنا بالوعبه صادفنا سياح غربيين وهذه صورة احدهم يحاول النزول لمكان النخيل  وفي الجهة الشمالية الغربيه من الوعبه يوجد مكان مشبك وبه عمال افغان ويوجد مكان للنزول لقاع الوعبه لكن الوقت كان اخر النهار وحسب افادة العمال ان النزول يستفرق نصف ساعه والطلوع يستغرق اكثر من ساعه وبدأنا بالنزول لكن لضيق الوقت استخرنا وهذه صورة سيارات السياح الغربيين داخل الشبك  وهذا منظر للوعبه مع السحب الخفيفه عصراً ويبان على يمين الصوره السياح  وهذي صوره للطريق النازل للقاع وقد انتصفنا بالطريق وحسب كلام الحارس الافغاني انه بعد هذا المظيق يقل الاوكسجين وهو خطر على من عنده مشاكل بالقلب او التنفس  وهذا(ابومحمد)احد اعضاءالرحله بين الصخرتين وهو يعود ادراجه  بعد ما طلعنا من الوعبه امرحنا بأحد المظلات ويوم اصبحنا قررنا التوجه لجبل طميه وجبل قطن بين المدينة المنوره والقصيم بالقرب من عقلة الصقور اتجهنا الى مهدالذهب وبعدها على طريق العمق واتجهنا بعدها للحناكيه وهي بعد الطريق السريع وهذي احداثية المحطه اللي قبل الخط السريع لازم تشيك منها اغراضك لان الخط ماعليه محطات 24.49.800 40.34.100 بعدها مسكنا الخط السريع بأتجاه القصيم الين جتنا هذه اللوحه  وهذي اللوحه ويبان معها بالصوره جبل طميه على يسار الصوره  وهذي لوحة المفرق وهذا احداثية المفرق 25.32.817 41.58.640  وهذا طميه بشحمه ولحمه وهذا احداثيات طميه 25.36.500 42.00.000 وسبحان الله على نفس شكل المقلع  تخلي طميه على اليمين وتتجه مع الخط وتتبع لوحات قطن وهذا احداثيات جبل قطن 25.58.000 42.20.000 وهذي صوره لقطن من جهته الجنوبيه  وهذا قطن من الجهة الشماليه وتظهر على يمين الصوره قرية قطن  وهذا خشم قطن من جهته الغربيه ويظهر انه كتله واحده ملساء بيضاء(ماتنلام طميه)ههههه  هذه الصوره لجبل طميه التقطناها بالزوم من عند جبل قطن وقد اقتربت طميه لقطن هههههههههه الجو كان معتم شوي وصورة طميه غير واضحه  وهذي صوره لقرية قطن القديمه وهي بالقرب من منتزه قطن على الاحداثيات التاليه 25.58.340 42.21.790  وهذه البير في قرية قطن القديمه  مقيالنا في طلحةٍ فيها طور وش رايكم بهالطلحه  انتظر الله لايهينك باقي اخر شي
|
|
#3
2010-06-18, 05:24 PM
|
|||
|
|||
|
نكمل معكم باقي الموضوع وهوعباره عن صور اخترتها لكم من الرحله وفي طريقنا لفت انتباهنا هذا الجبل وكأن اعلاه وجه انسان قد نكون واهمين  هذي صوره للضلع اللي شمال غرب الوعبه وكأنه وجه انسان ايضا ينظر الى الاعلى  وهذا منظر للوعبه من بين النخيل كم تذكرت سويعات الاصيل وصط الهمسات ما بين النخيل  وهذي نخله واحده بخلفية الوعبه  وهذي احد الفراشات وهي تمتص الرحيق من الازهار بالقرب من الماء  وهذي اشكال للصخور وقد اثرت عليها عوامل التعريه من هواء ومياه  وهذا منظر للوعبه من الجهة الجنوبيه  وهذي صخور بركانيه شرق عن الوعبه  وهذا ابومحمد اثناء تصويبه على الهدف  وهذي نتيجة التصويب  واخيرا صورة اعضاء الرحله من اليمين ابومحمد و ابوالجازي و ابو عبدالرحمن  انتهى الموضوع ان اصبت فمن الله وحده وان اخطأت فمن نفسي والشيطان وتقبلوا وافر احترام وتقدير اخوكم (ابوالجازي) (((بـــدرالغـــذّامي)))
|
|
#4
2010-06-18, 06:14 PM
|
|||
|
|||
|
مشكور اخوي ابو الجازي
|
|
#5
2010-06-18, 07:46 PM
|
|||
|
|||
|
اقتباس:
تشرفت بمرورك وردك العطر الله يبيض وجهك لاهنت ولاشنت
|
|
#6
2010-06-18, 08:20 PM
|
||||
|
||||
|
ماشاء الله موضوع مميز
|
|
#7
2010-06-18, 09:11 PM
|
|||
|
|||
|
اقتباس:
المواضيع المتأخره واجد وانا مانيب بخيل بس الظروف تحكم وابشر بالخير وبالنسبه للتعديل على الصور مايمنع حتى ولو كان الموضوع توثيقي لاهنت ولاشنت وشاكر لك مرورك العطر والاطراء والملاحظات
|
|
#8
2010-06-18, 09:33 PM
|
||||
|
||||
|
دائما تتحفنا بالجديد والمفيد اخوي ابو الجازي رحلة ولا أروع وصور ولا اجمل عشناها معك في تقرير صورك لها رونق خاص حتى بالتعديل عليها تقبل مروري
|
|
#9
2010-06-18, 09:55 PM
|
|||
|
|||
|
اقتباس:
هلابك يا براق الثنايا ومرورك اروع واجمل الله يبيض وجهك شاكر لك مرورك والاطراء لاهنت ولاشنت
|
|
#10
2010-06-19, 06:04 PM
|
||||
|
||||
|
موضوع رائع ورحلة ممتعة
|
|
| أدوات الموضوع | |
| انواع عرض الموضوع | |
|
|
العرض العادي
