أبيــات يتيـمه ومشـاعـــر لم تكـتمـل ...!! ( دعـوه للجميـع )

[شطر]

♡على ضوح برق الغيم ومداعب الهتان
ترحب بك الديره ومن ساكن الديره
وزانت بها الاجواء وصارت معاك جنان
وهل المطر مع جيتك ياتباشيره♡

♢شطر♢

[شطر]

☆مشاعر يتيمه لم ولن تكتمل مادام
رياح العذل للي بنيناه هدامه
حكمني زماني مثل ماقد حكم صدام
وخلا الروافض تبتدي العيد بإعدامه☆

♡~شطر~♡

[شطر]

《على جال ضو الشوق لي دله وبراد
وهاجوس شعرن بين الاضلاع وقادي
لأجل كامل الاوصاف اجيب البيوت جداد
وادون بها التاريخ هجري وميلادي》

♤●شطر●♤

[شطر]

♤على هامش الذكرى القديمه وحبن فات
ودربن مشيته بين حسنه وسياته
جذبني شعور قد نسيته واظنه مات
أثاريه باقي ماانتهت قو لوعاته♤

☆شطر☆

[أبو سيرين]

ما شاء الله عليك يا شطر

كل هذي مشاعر لم تكتمل

الله يعطيك العافية ياليت تكملها وتصبح قصائد تثري المنتدى

[بقآيآ .. حرف]

ماعمرها جات مره وايدها فاضيه
حتى انها من كرمها شارية لـ كفني
لكنها بالنهاية جابت القاضيه
خلتني أعيش في موطن مهو موطني

بقآيآ .. حرف

[سحاب شقراء]

ماكل من يبكي من الناس مهموم

بعض البشر تبكي على ادنات حاجه

وبعض البشر يضحك وفي قلبه سهوم

بسبه قريبن ماعرفنا خراجه

وبعض البشرحبه تساوا مع القوم

كنت احسبنه ذيب وصبح دجاجه

وبعض البشر حبه على الراس مزموم

هذا مكان الطيب وهذا مزاجه

سحاب شقراء

[سحاب شقراء]

ياهاجين شقراء ومشفاها

شقرا من الطيب مبنيه

ومديرها دوم يرفاها

وتعبت رجوله من الجيه

وشهادته ويش طراها

حتا ولوهي بليليه

ياكود ذا الناس ومشراها

لو ترجع الريال بالميه

وعلومكم مانجي حماها

عندي علومن وسريه

تبي السلامه وجبناها

وخل المطر في مجاريه

والشعبه الي يجي ماها

لا تخلف دروب شرعيه

سحاب شقر اء

[عايد]

أقبل صورة فيها اتغزل
واداعبها بلمسات رقيقيـه
الا يريح ريحان وسندل
والا يزهر ورد في حديقه
...........................
.......................


عايد

[بقآيآ .. حرف]

والله أني على طاري وساع الفجوج
أكبح لجام شعري عن متاهاتها
يا خيولي تعدي واتركي العوج عوج
رغبة النفس تبعد عن ملذاتها

بقآيآ .. حرف