المتابعة اليومية لأخبار الطقس والتوقعات من ( 1 مارس - 30 ابريل 2020 م )

[ديمة نجد]

المشاركة الأصلية كتبت بواسطة متابع بهدوء

يذكر الرياض القديمه

ابوعزوز

يامال السيل للاسف الاحظ

كلما له التوقعات تقل من ناحية المده

ونتفائل خير


والسلام

ياربي هذا الى كنت خايفه منه
يعني راحت التوقعات خلاص 💔
وانا انتظر ي فرحه ماتمت 😔

[رصد بروق جدة]

المشاركة الأصلية كتبت بواسطة ديمة نجد

مالقيت الا منفوحه ههههههههه
قول البديعه السويدي والى حولها 😂😂😂😂

هذي الاحياء عشت فيها أيام لا تنسى في عام 2000 أو 2001 في مثل هذي الايام كانت الامطار على الرياض يوميآ واكثر ماكانت تجي من بعد العصر وفي الليل ويوم من الايام كنت بشارع عسير ابي اروح السبلة وجت بردية لعبة فيني لعبة لاسيارة ولا هم يحزنون ايامها كانت في كبائن التلفون بالهلل وخش في كبائن ولتيني سلمت من الغرق وحبات البرد اشوى انو كان متوسط وصغير الحجم ويلي خوفني اكثر جات صاعقة ضربت حولي من قوة صوتها الارض انهزت وقف المطر قلت خلاص انتهى أثر الوضع باقي مطول خرجت من كبائن التلفون الا في وجه صديق ماقد شفتة لي أكثر من 15 سنة نظر فيني قال ابو عبدالعزيز قلت الله الله انا ابو عبدالعزيز قلت تعال اطلع السيارة قلت من وين اعرفك ناقص انا مشاكل مع هذي الامطار قال ماعرفتني قلت يمكن ايه ويمكن لا صوتك ماهو غريب علية المهم قربت يمه وشفت جلست انظر فيه ورجع الذاكرة قلت الله ويش هذي الصدفة في هذا المكان وهذي الأمطار ربنا جابك لي من السماء يابو تركي ايام يوم كنا في جدة قبل 15 سنة كان حاله حال المهم قلت وصلني يم السبلة ابي اسأل عن بيت واحد قال والله ماتروح مكان انت ضيفي الليلة وقام يحلف ويطلاق المهم قلت ماشينه ومن جنوب الرياض الى حي المصيف والجوء امطار غزيرة ايامها نادر ملتحصل واحد عندة جوال كان عالي فوق 15 الف الشاهد في الموضع الرجل صار وضع تمام فلوس وسيارة وجوال وجلسة عندة أكثر من 10 ايام بالقوة فكني وخلني ارجع لجنوب الرياض ايامها كانت المادة شوية صعبة من غير مايشاور علية احط الذرف في جيبي بالقوة وقال استر ماوجت وسمحنا ان قصرنا في حقك يابو عبدالعزيز قلت ماجاء منك اقصور وفيت وكفيت ومصير الأيام تجمعنا وردها لك بالمثل الايام الجميلة والموافق صعب تنسها وانتي ذكرتني بها ذلحين يجيك مشرفنا متابع بهدوء يوصلني طريق العليا😂😂😂😂

[رصد بروق جدة]

جاري الدخول لنظام الحاسب الآلي والتوقعات مستمرة أخوي متابع صبرك

[اميره قطر]

برق متابع رصد

توقعاتكم لشمال قطر

ولكم جزيل الشكر

[ديمة نجد]

اي والله صعب تنسى الايام الحلوه
عاد امطار الرياض اول كانت ماتنقطع وبرديات

[رصد بروق جدة]

حركة الرادار الان منطقة الرياض والقصيم والدوادمي والوضع في تتطور بأذن الله تعالى

[شرق ملهم]

السلام عليكم ورحمة الله وبركاته
اخوي رصد بروق جده الله يسعدك وشكرا على مجهوداتك انت والاخوان بهذا المنتدا المرموق ويعتبر في هذاالوقت المتنفس الوحيد عسى الله يفرجها

[رصد بروق جدة]

البروق الان ونشاطها وسحابة الدوادمي توتسع وتتطور وتبريدها ممتاز وبأذن الله تعالى تشمل الرياض بحسب المسار المتوقع

[ابوعوده]

[رصد بروق جدة]

المشاركة الأصلية كتبت بواسطة شرق ملهم

السلام عليكم ورحمة الله وبركاته
اخوي رصد بروق جده الله يسعدك وشكرا على مجهوداتك انت والاخوان بهذا المنتدا المرموق ويعتبر في هذاالوقت المتنفس الوحيد عسى الله يفرجها

هلا وغلا أخوي شرق ملهم
وياك يالغالي وجودك سعادة بحد ذاتها
المهم خل بالك من الاحلال شكلة الليلة والى صباح الغد
الأوضاع زين على منطقة الرياض بأذن الله تعالى تبشرتا
الأمطار الغزيرة والبرديات انا كنت صاحب حلال تكون حوسة لاجت الأمطار قوية الراعاة ماعندك احد

لك تحياتي