علمة وش علوم الرجال!!!!!

[نوارة الكون]

علمة وش علوم الرجال!!!!!

"] واحد كل ماقابل خويه يدور شيء ينتقده من خلاله ..
وكل سوالفه كأنها سوالف النواقص من النسوان !!

مره يقول : (نعالك مو ماركه)

ومره يقول : (قماش ثوبك صيني)

وآخر مره قاله :
(قلمك رخيص مو زي قلمي الـ dior) !!


فكتب له وبقلمه [الرخيص] هذه الأبيات :[E]

في جيبي العلوي قلم بأربعه ريال
وأخطّ به مالا يخطّه (ديورك)

هذي علومك،، كلها عوج وهزال
* اسمعني، اللــه لايجبّر كسورك
Ϟ
فرحان.. تشري بـ(ألف وشويه) نعال !!
تمشي بك دروب المذله بـ شورك

ومفصّل بـ (حول الثلاث ميه) عقال !!
وتحته عقل فارغ سوى مـن غرورك Ϟ

ياتافه .. ارخ السمع للي بينقال
وتراه ماهو مـن دواعي سرورك

اللبس ماعمره ستر عيب رجّال
هذا انت ماتستر خَواك بـ قشورك

ومادامك تقيس الأوادم بالأشكال
عندي تساوت غيبتك مع حضورك

رح خاوي مثلك أشبه بـ تمثال
يرضي برستيجك ويسعد شعورك

ما اتشرف بمعرفتك ولا انت فـ البال
ولا عاد أشوفك عندي ولا بأزورك

مغنيني اللـه عنك برجالٍ ثقال
مافيهم اللي حب تمثيل دورك

أقلّهم لو شاف تقصير وإهمال
يسد نقصك ما يدوّر قصورك ....

[Al-KHUSHAIBY]

تسلمين اختي الغاليه
مشكووووووووووره

[أبو عبدالله]

رووعة

صاحبك لاصار يعيب فيك أكبر مصيبة

الله يعطيك العافية أختي نوارة الكون

[فهد المفرج]

هذا هو الكلام الصحيح

ابيات لها قيمة و معاني سامية

[فهد الشمري]

الله يعطيك العافيه يانوارة الكووون