الكسرة و بحور الشعر .. شعراء البراري

[الركام]

‏وقُل للغائِبينَ بِلا إيابِ
‏حَنِيْنُ القَلْبِ يُرْجِعُكُم بِبَابي
‏:
‏فلا يَخْفَى على منْ مَرَّ أنِّي
‏هَجَرْتُ الدَّارَ من بَعْدِ الغيابِ

[الركام]

سحابة هلت على وادي نساح
ياليـتهـا مـرت على كـل ديـرة

تشـوقـنـا في برقـهـا كل مالاح
امـطـارهــا وبـل كـبـار غـزيـرة

يالله عسى في يومنا كم مرواح
كل مامشى مرواح يحـل غـيره

مادام باقي ايام في الصيف ماراح
يـعـم كـل ديار باقي الـجـزيــرة

[الركام]

ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

[الركام]

كـل عـام نرقــب الجـو الجـمـيــــل
وكــل عــام تمـضـي ايامـه بحين

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين

[الركام]

كل مامريت قلت القى جديد
واثر وعد الوقت حلم مايصيب

قلت يمكن نجتمع في يوم عيد
مادريت ان السبب هو النصيب

[كيف أنساك]

المشاركة الأصلية كتبت بواسطة الركام

كل مامريت قلت القى جديد
واثر وعد الوقت حلم مايصيب

قلت يمكن نجتمع في يوم عيد
مادريت ان السبب هو النصيب

صح لسانك اخي الكريم

كل الود

[الركام]

كيف انساك ماني ناسي ذاتي
وليه انساك والذكرى على بالي

انت مني ومـالي كـل اوقـاتي
فيك حلمي وعندي كل امالي

[الركام]

هذه ابيات قلتها في بعض من فقدناهم في منتدى الشعر


ليه بستان الشعر من دون ورده
كيف غاب اللي جماله من جماله

ياهـل البستان هي عـطــره ونده
لين غاب الورد ينقص من كماله

الزهـور تزيد في العــزم وتـشده
تلـهـم الشـعـار وتزيد الجـــزاله

مـانـبـي يزعــل ولا نبـغـى نرده
اتركــوه ومـابدالـه فـي مجــالـه

عـارف مابين هـزل وبيـن جـده
اتركـوه ايقـول شي قـد طـرا لـه

دمعته من العـين تجرح رق خده
دمعته من العين مانقوى احتماله

ياهــل الـبستـان ردوا لـه مــوده
ياهـل البـستـان سوو بي جمـاله

من يسوي خير مـن هـو له يرده
ما احــد مـثلـه ولا نبـغـى بدالـه

قـبـل مـا كــل يـبـــيّح كــل سـده
وقبل ماتصـفق يمـينه في شماله


الركام

[الركام]

ياللـي تحسـب الوقت ماهـوب يفتـر
احـــذر يــروح الـعـمـر عـقـبـه تـنـدم

لا تـنـخـدع لــو زان وقـتــك وتـغـتــر
الـخـيــر يـبـقــى والـخـراب يـتـهـدم

واللــي يـحـفـظ الـوقـت لا بـد يسـتر
يـفـوز يــوم ان الـجـوايـــز تــقــــدم

يـلـقــى بـرآده لا غدى الـجـو محتـر
هـذي مـحـاصـيـلــه ومـا كـان قــدم

[الركام]

للغياب اسباب لو طال الغياب
ولصمت عنوان في وقت الحضور

ان تقدم بالعذر ز ال العتاب
والعذر مقبول ونقول معذور