استفسار

[شباب الذيب]

إخواني وأخواتي أعضاء وزوار منتديات البراري
السلام عليكم ورحمة الله وبركاته
طابت اوقاتكم جميعاً

استفسارالله يعطيكم العافيه
عندي تايوتاجيب لاندكروزر صالون gxr مديل 2000 ولاقصر له كم سنه وهو صابر على مايمر عليه من البران والحتايف الله يطول في عمره ويستر عليه
وله جمايل كثيرة صراحه علي وكنت أسميه البريمي واذ احد سألني من الجماعة على اي سيارة رحلتكم اقول لهم على البريمي والايام هاذي اشوفه بدا فيه الثقل ويطلب وسميته الشايب طبعاً هو لونه ابيض لايق عليه الاسم

المهم المطلوب الله يعافيكم هو توجيهي لأحسن ورشة تربيط وتركيب جلد بالقصيم اذا فيه احد عنده خبرة عن الورشات الممتازة لايبخل علينا في معلوماته.
وانا كلمني واحد من الاخوان مثلكم وشرواكم قال لي ان فيه بالكويت ورشات على مستوى اذا حد منكم عنده معلومات يفيدنا تكفول الشايب بدا يرقل و يقرش يبيه شد عضلات.

وجزاكم الله خير واطلب من الله لي ولكم التوفيق لمايحب ويرضى،،،،،،
وتقبلووو تحيات أخوكم/شباب الذيب /ذيب الغداري
والسلام عليكم ورحمة الله وبركاته