(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

لا تْغيب وأنت المصير اللي ما منَّة هروب
وإشراقتك تسلب النجمات من ليلها

وشلون أضيق بحضورك وأنت كل الدروب
اللي ليا ضاق صدري سقت رجلي لها

[بقآيآ .. حرف]

ياسيّدة هالمسا لو للمسافات : ريق
تبلّها خطوتينك في ظلامٍ بري
.
اذا بغيتي نعرّض حزننا في مضيق
واذا بغيتيه ينعم فالسّعة .. آمري

[بقآيآ .. حرف]

مترقّب فْراق مدري كيف مدري متى
ما غير بيني و بين الفقد ميعاد "بين"
يا رب لا تكتب الـفـرقـا بْـ ليلة شتا
ساعاتها طْوال و الساعة بها "عقربين"

[بقآيآ .. حرف]

مروا البال لا صار اللقا مستحيل
واجبروا خاطر العشره بصدفة لقا

غايبيني عشان الملح ردوا الجميل
وارجعوا مو حبايب .. ارجعوا اصدقا !

[بقآيآ .. حرف]

مهما نمى الياس في صدري وتهت الطريق
وقوارب الطيب : خانتها مجاديفها

أيامي السود لا وصْلت لحاجة رفيق
ما هو بأنا اللي يخليها على كيفها !

[بقآيآ .. حرف]

تبّت يدين الظروف اللي خذتها وتَب
قلبٍ تجرّع مرارتها و لا عافها

ودّعتها بـ كفّ مرتابه و دمعة عتب
طاحت ولا عيّنت من يمسح أطرافها

[بقآيآ .. حرف]

فراق ، و الذكريات تصير كومة رماد
و الليل ينفث عليها لين قلبي ، يضيق !

بعدك عيوني قسم بالله / رهن الجماد :
اما بكت من عطر والا بكت من طريق !

[شطر]

🍂


‏مصير الليالي تشفي الجرح من يمناك
و تضفي عليّ . . . اللي يمينه تقدّرني

ختام السوالف كلها و العلوم اعفاك
خسرتك سنه لكنك سنين خاسرني .

[شطر]

‏مدني بالوصل لاتقطع شفاة الهايم
وبق لي لو من دقايق وقتك المستقطع
َ
راضيً بشويّك الزين القليل الدايم
عندي إنه أخير من الواجد المتقطع .

[شطر]

‏-

يقولون وش حالك وانا اقول حالي زين
لو ان البلآ في داخل الجوف متمكن

اسوق القدم وآسج واسلى مع السالين
وعيت جروحي لا تشالا ولا تسكن