(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

ياطيب رآسك يازمـن ويـش سوّيـت
عرّيت نـاس(ن) ماخبـرهـم (عرايـا)

كشفت لي ناس(ن) معاهم تخاويت
دزّوا /لي (جيوش المواجـع) سرايـا

[عايد]

احببت أن اضعها في معرفك وفي مدونتك العظيمه
ارجو أن تتقبلها ... استاذي الكريم ,,, هي محاوله شعريه (لاحدالاخوان)

السلام عليكم ورحمة الله وبركاته

مجرّد أبيات بسيطه أحببت كتابتها لأغلى محبوبه لدي وقد كتبتها على شكل قصّه خياليه ولكن رغم خيالية القصه إلا أن هذا الحب أقوى بكثير مما ذكرته هنا نظراً لأني لا أكتب الشعر ولا أجيده

سلام للي قدرهم ياصل العال

سلام محفوف(ن) باحلى عطوره

عندي لكم قصه مع شوّية أمثال

محبوك فيها الحب باصدق شعوره

لا نيب متزوج لا ولا عندي عيال

بس إني مفتون(ن) ترى بحب نوره

عشقتها من قلب صادق لما قال

أصدق من دموع الموادع بزوره

إن قالت : محمد انا ابيك تعال

لبّيـــه يا نبضي ولابوها كوره

أصبحت ناحل مغترب حالتي حال

صبراً على الملهوف ما حان دوره

قالت لي أمي : دمعك اليوم قد سال

وضعك يتعّبني وماني صبوره

يا يمّه لاني ظالم ولانيب محتال

لكن قياس الحب ب أوّج طوره

قالت ترى حتسيك عيب(ن) على رجال

من يكشف العوره يجازى بعوره

الحق واضح ما يغطّى بغربال

دربك ترى مظلم وبانت أموره

قاطعتها بهدوء وإعظام وإجلال

صبرتس علي تكفين اخذي المشوره

ماجيت للمنكر ولا قيل لا قال

الحق معروف(ن) ونقرا سطوره

واجب علينا الحب من يومنا اطفال

ومذكور بالقران في وسط سوره

عرفتي منهي الحب في كل الأحوال

أنتي الغرام وعشق ي الأم نوره

[تناهيد]

,,

لليل سكة من ..حنين وتناهيد ..
واشواق تعزف نايها بالمحاني .!

وشريط ذكرى للقا والمواعيد ..
واحساس شعر وضحكتين وأماني .!

,,

[عايد]

رحلـت ومقصـدي كلـه .. عشـاان أنـسـاك
نسيتك ؟! لا حشى واللي خلق راسـي تناسيتـك

تناسيتك نعم لكن بقت فـي داخلـي ذكـراك
بقى في داخلي زولك بقـى فـي داخلـي بيتـك

ألا يا كيف أنا باسلى ليالـي غربتـي وأسـلاك ؟!
مدام ( وسادتي حتى .. ليامن جيتها ) جيتـك

أشوفك في وسط عيني وأغمضها عشـان أمحـاك
وأشووفك داخل جفونـي إذا غمّضـت ضمّيتـك

أضمّك وأشتكي طيفك على طيفك بدون أدراك
وأنا فـي غربتـي ليتـك تحـس بحالتـي ليتـك

ورى عوج الضلوع ألقى بقايا ضحكتك وألقـاك
وأسافر لك وأنا حيّك أسافر لك وأنا ميتك

نقشت أسمك على عرق الخفوق اللي فقـد يمنـاك
وإذا مـرّ الـنـفـس صـدري تـذكرتـك وحـيّيتـك

سنه مرّت وأنا قلبي يعيـش بضيعتـه بحمـاك
بـدون أسبـاب لا تسـأل ليـا منّـي تمنيـتـك

أهذري بك وأغني بك ( أنا أهواك أنـا أهـواك )
وأمـــرّك تايـهٍ .. وأذكــــرك لا مـنـي تعــديـتـك

حبيبي طالبك تكفى سألتـك بالـذي سـواك
وش اللي يمنـع عيونـي ليـا جيتـك وراعيتـك ؟!

تحاكمنا على الفرقى بدون أسبـاب يامقسـاك
تخالفنا .. تعدينا الحـدود .. ورحـت خليتـك ..

كذا ما من سبـب يشـرح نهايـة قصتـي ويـاك
تكبرت .. وتكبرت .. وتحديـت .. وتحديتـك..!!

تفارقنا ودمعـات القهـر تخشـع علـى فرقـاك
وبلاي أني مـن دمـوع الـوداع المـرّ واسيتـك

حبيبي والفضا كله مساحات وسما وأفـلاك
يضيق وغيبتك قشـرا .. وأنـا جيتـك وأناجيتـك

مدام أن الغيـاب اللـي يداعـب غربتـي فتـاك
أمانـه لا تجاهلنـي .. وأنـا للـوصـل ناديـتـك

صحيح أني تجاهلتك وخليتـك عشـان أنسـاك
ولكن واللذي سـوى عروقـي .. بـس تناسيتـك

تناسيتك نعم لكن بقـت فـي داخلـي ذكـرآآآك
بقى في داخلي حبك .. بقـى فـي داخلـي بيتـك

[بقآيآ .. حرف]

الغنوج اللي نـوت للبعـد والعشـره نستهـا
مانويت فراقهـا والله ميـر الحـظ نـاوي
الله اكبر يالحظوظ السود من يمـي حدتهـا
لو بقول اني قويت فراقهـا مانـي بقـاوي
قصتن بيني وبين القلب وحروفـي روتهـا
مايوصفها الكـلام وشيبـت بالفيـن راوي

[بقآيآ .. حرف]

أحس فيني صرخه جابت اقصاي
وصلت معي حد السكوت وبكيته

صرخة ألم ضاعت قبل تاصل شفاي
أحساسها ضيع كل من لقيته

[بقآيآ .. حرف]

لحظه ودآع , وكنهآ سكرة الموت
ضآع الطريق . . اللي من آوَّل رسمته
ضآع الطريق , وصرت في الدرب مبهوت
مدري وش اللي فآتني ما اغتنمته !
العمر مرّ . . ورآح مع فآيت الفوت
صحيح ضعت , وضآع حلم ٍ حلمته

[بقآيآ .. حرف]

لكل من مر هنا آهلاً بحضوركم حتى لو كان صامتاً ...
فصمتكم هذيان تطرب له مسامـع حرفي

[عايد]

سنينٍ بالعمر مرّت .. ودَمــــــــع العِين يغشااني !
سنينٍ أدثر أورآقي .. وريح الصّبح " تِكشفها " !

فقدته مِن سِكَن قلبي / وراح اليُوم .. خلّاني !
أبعثر بالألَم فيني .. دِمُوع الشّوق ( وأنثرها ) !
دقايق لو يمر طيفه .. أرُوح بْ عالمٍ ثاني ..
أبُوه الشّوق يا عالم .. ترا حالي مِبهذلها ..

قبل عَايش كذا عادي .. وجاء حبّك وِودّاني ..
لموطن ما اشوف إلا بِه ادروبك واعشقها ..

تصدق من كثر عشقي خيالك مرّ واعماني .. !
وصرت إنتَ الوحِيد اللي بِه أشعاري أردّدها , !

دخيلك لَا تطوّلها .. غيابِك حيل أشقااني .. !
سنِين العِمر قِد مرّت .. وانا ما غير أحسبها ..

حسبت البُعد لِه حيله .. و اثاري البُعد عُدواني !
مشاعر مالها غِيرك .. ولا غِيرك يروّضها .. !

ترا ما جاني في بُعدك .. كفايه حيل ما جاني !
دخيل الله لَو تدري .. عيُونِك " كِيف أنطرها " !

أقول الشّوق يَ حبّي .. تِقول الشّووق " يفداني " !
كذا واثق / ومِتمكّن .. خلايا القلب ’ تِملكها !

ترا لو كان هالإحساس .. رجُل بالحِيل عقلاني ..
ابد ما كان في ليله " دِمُوع الشّوق بعثرها " !

انا ما هزّ بي خافق .. وهدّ اليوم وجداني ..
سوا ذِيك المشاعر يوم .. يجي حسنٍ ويفتنها ..

ليا مِن لامس يْديني .. أضيع بْيدّه وأنساني ..
واقول اللّيله يا جعله " خلايا الرّوح يِحضنها " !

جعل مِن قلّب الذّكرى .. وجرّح قلبي أبكاني ..
يجيه الضّيم في غِيمه وكلّ افراحِه يهدِمها ..

-دخيلك .. لَا تطولها!

[بقآيآ .. حرف]

ۅقفت عند البيت ۅ البيت ( مهجور )
ومكتوب يم الباب هالناس ( شدّۅا )

أنا ۅفيت ۅ لا لهم منّي ( قصور )
أنا بقيت ۅ لكن الناس ( صدّۅا )