عطلة الاسبوع بالشوكي والتنهات وبعض المناطق الجميلة وتفنن الطبخات باروع الكشتات لا يفوتك

[الجنوبي 2000]

السلام عليكم ورحمة الله وبركاته


نرجع لكم باول ايام هذي السنه التي نتمنى من الله ان يجعلها سنة خير وبركه عليكم يارب وعلى المسلمين

طبعا جمعت هاليومين وهي الخميس والجمعه من يوم 6-7- 1433هـ بالذهاب الى وادي الشوكي وروضة التنهات ومرورا بابوعويشقه والوسيطى شمال شرق تمير وبخوة ربع شرواكم وحبيت اصور بعض الاشياء البسيطه لكم والمختصره علشان ما تملون لان الصور اكثر من 100 صوره مدري وش فيني على 100 وفوقها وان شاء الله تنبسطون ع التقرير وبداية نقول ..

يـاماحلا الـمسرى مع طرة النور ^^ مـن قبل خيط الشمس يبدي شعاعه
مـع رفـقةٍ مافيهم اللي به قصور ^^ ربـعٍ تـربوا عـالكرم والشجاعه
كـل واحـدٍ فيهم مجرّب ومخبور ^^ مـاشاور الـحرمه بـخوة ربـاعه
لا جـا لـزومٍ مـايصفون بالدّور ^^ كـلٍ بـذل مـجهود قدر استطاعه
مـوترك جيبٍ خلفه العفش مجرور ^^ يـسوقه الـلي خـاف ربه وطاعه
وجمسٍ محمل ما ركب فيه مطيور ^^ هـو مـنوة الـلي مات قلبه وباعه
او
وشاصٍ محمل ما ركب فيه مطيور ^^ هـو مـنوة الـلي مات قلبه وباعه

نرضى الاطراف هههه ابيات اعجبتني صراحة واختصرتها لكم

ونقول بداية اصور لكم بيت الشعر في مخيم ابو ناصر عمي



وزهبنا الفطور



ثم انطقلنا لوادي الشوكي المشهور بمنطقتنا وهذا صور ليومه الثالث وهو يسورب وممشاه طيب صراحة













وغدرانه الجميلة وشكل الربيع باذن الله هالسنه فيه









وهذا العبري طعمه حلو ويسمى كما هو معروف ( النبق )



















مناظر تسر الخاطر صراحة

















عارف بتتعبون من صور الشوكي بس حبيت اصوره من بعد غدير ثريثان

[الجنوبي 2000]

سبحان الله قطعوها قبل تتهني بهذي الخيرات







وتتدريجيا الوصول لغدير ابا القبور ومصب التنهات

















بعدها الغداء والجلوس بالمكان الجميل





والموز الحلو



وبيالة شاهي





تسلم يدين النشمي هع

ونكمل صور الشوكي









مصب التنهات











وصولاً الى روضة التنهات الممتله من الناس ما شاء الله الكشات فيها بكثره



















ومن كل الاتجاهات والروضة بهذي الجمال من البحيرات



حتى وصوله الى الشيب حد الرمال

[هواوي الغيم]

مشاء الله تبارك الله
تقرير رائع

[الجنوبي 2000]

بعدها ذهبت لمتابعة مباراة النصر العالمي ههه فاز 2-1 ع التعاون وكمل اخوي النشمي بعض الصور هذي حقت شاهي العصر



شاهي بالرمال والجماعات الطيبه





وهذا صوره جميلة سبحان الله



ثم بعدها فوز العالمي لازم اخوي الحر ع بطة قرص جمر يحبها قلوبكم بفوز العالمي فتم تجهيزها في بيت الشعر هه

شبينا الضو برا



والعجين



وبدا يجهز



وتم بطه على الجمر هههه فكانة هزة قوية اسقطت احد الخيمات عندنا من قوتها هههه





وجهز نبي نفركه وناكله



وبعدها الى النووووم

المهم قمنا الصبح ولقيت ابو عبدالله يصبب شكله يجرب على الربع



قلت ابسوي فول دوخه



وبعدها ننطلق الى ابو عويشقه وسمليل وكانت الارض مطينه خفيف والسيل طيب عليها بس الارض عطشانه وشربت ولكن هذي بعض غدران ابو عويشقه شمال شرق تمير

شعيب سمليل واحد غدرانه الصغار





وابو عويشقه











والغداء زاهب هههه اختصار

سلطه حلوه من يدين اخوي mallk ابو نايف تسلم يديه عليها



سمو



عبري طيب النبق على قولتكم ههه



وغدران جميلة











ثم الذهاب الى الوسيطا احد الريضان الطيبه عندنا







وتناول الشاهي بس نسيت اصوره هههههه

لتغرب شمس يوم الجمعه



وينتهي معه تقريري المتواضع الذي اتمنى انه نال ع اعجابكم واستحسانكم

واسف ع الاطالة بس حبيت توسعون صدروكم ويكون فيه دق بالنقل بالذات للسيول الطيبه

واشكر من قدم الدعاء الى صديقي سامي وابشركم هو بخير وعافية واليوم يسولف معي ويضحك الحمد الله على كل حال والله يرجع لبيته معافى امين

تحياتي

الجنوبي 2000

ابو عبدالعزيز

وتقبلوا خالص تحياتي

[سليمان المحمد]

ماشاء الله تبارك الله
الحمد لله على السلامه
متبوع غير مقطوع هالخيرات يارب
والله انك وسعت صدورنا يالجنوبي وشرحت الخاطر
تقرير مخملي ورحلة موفقة من الأول إلى الأخر
سلامي لك ولصحبك الكرام
ودعواتنا للأخ سامي بالشفاء العاجل

[الشيخ]

ماشاء الله تبارك الله
تغطيه ولا اروع ياولد العم
تسلم على نقل الاحداث وعلى هذه الاجواء الخياليه الرائعة
تحياتي لك ولربعك الشقردية

[ابو طلال الفيفي]

وعليكم السلام ورحمة الله وبركاته
ماشاء الله تبارك الله
كشتة طيبه جداً ..
والارض والحمد الله جاها الخير الطيب ..
والاكل انواع التفنن (عوافي على قلوبكم )
الله يعطيكم العافيه
وشكر خاص لمعد هذا التقرير

[محمد النجيبان]

بيض الله وجهك يابو عبدالعزيز على التقرير الرائع

[الجنوبي 2000]

المشاركة الأصلية كتبت بواسطة سليمان المحمد

ماشاء الله تبارك الله
الحمد لله على السلامه
متبوع غير مقطوع هالخيرات يارب
والله انك وسعت صدورنا يالجنوبي وشرحت الخاطر
تقرير مخملي ورحلة موفقة من الأول إلى الأخر
سلامي لك ولصحبك الكرام
ودعواتنا للأخ سامي بالشفاء العاجل

تسلم الله يوسع صدرك بالعافية يا لغالي

لاهنت وبارك الله فيك

[باب مي]

يعطيك الف عافيه على التقرير الجميل