الكسرة و بحور الشعر .. شعراء البراري

[ابن حماد]

من الحرم للحرم مرتاح
فيها الهدى والعبوديه

وم التجارات والارباح
لصار سفره دعاويه

[صبح المطر]

فكر شويه ترى ما راح
يضيع بأوقات وهميه

ما كل ياصاحبي من ساح
يسلى بدار الخواجيه

[حالة جوية]

ما بالمظاهر سعد وأرباح / لو قلت عاده وصيفيه
بعض العناء يتعب وذباح / يكتب على الروح مرثيه

[غانم الضومري]

يقولها الشاوي الفلاح
اللي ظروفه تجاريـه

اما الغني يفرك المسباح
ويلقى عروض خياليـه

[صبح المطر]

يا نجد فيـك القمـر وضــاح & ضافي عـلــى ورد ديـمـيـه
يا ديرتي والحياء مـــا طاح & عندي فـيـافـيـك مـحـمـيـه

[ابن حماد]

ايام داري هنا وفراح
فيها منارات ماريه

فيها الهدى والتقى مصباح
مهبط رساله سماويه

[غانم الضومري]

الصيف والبر والاشباح
غبار مع عقرب وحيّه

ماني مبالغ ولا مـداح
وش جاب بيرين لبثيــّه

[حالة جوية]

الكيف يا زين ريحه فاح
سق الفناجيل بريه

تو العناء يا الخوي انزاح
ديمة مطرها عسيريه

[غانم الضومري]

مليت من ريحة بلادي
ضاقت علي الصناعية

معصير يذرى من الوادي
ويرشنا كل ظهـــريــّـه

وحرٍ كما النار وقادي
من شدته يحرق الفيّه

[أسير العاطفه]

المشاركة الأصلية كتبت بواسطة غانم الضومري

مليت من ريحة بلادي
ضاقت علي الصناعية

معصير يذرى من الوادي
ويرشنا كل ظهـــريــّـه

وحرٍ كما النار وقادي
من شدته يحرق الفيّه

الضومري يالربع غادي
وللسفره مبيت النيه

ورى النهر ماله قعادي
غلطان مليون بالميه


لونه يقول ياهادي
وللباحه يروح صيفيه