الطقس لشهر ذي القعدة لعام 1428هـ ( 4 )

[ديم نجد]

المشاركة الأصلية كتبت بواسطة خالد العوض

ابو نواف صبحك بالخير
ولو انت ما تبت ماتشوف ان المواقع كله صارت توقعاته غير صحيحه
والسبب ان اللي كان يتوقع لهم مات والحين حطو واحد جديد لتوقعات
فاتح له محل في البطحاء في امريكا ويوزع التوقعات على القنوات الفضائيه ووكالت الانباء العالميه لكن للآسف الرجل دمار في توقعاته وخيب ضنهم طول الفتره الماضيه ويقاعدين يدورون غيره

التوقعات كلها :43::43::43::43:

والله أنك صاز ياابومحمد هالتوقعات مهيب لم سنع أبد :71:
الي يشوف توقعاتهم قبل فترة بالنسبة للأيام هذي يقول بيجينا غرق

[النايف]

الآن المجـــــــــــــــــــمعة

الساعة : 9 صباحاًغائم الى غائم جزئي

والهواء شمالي الى شمالي غربي متوسط السرعة

والرطوبة تقريباً 22 ودرجة الحرارة تقريبا 16درجة

هذا والله اعلم

[خالد العوض]

اذا توقعات المواقع الاجنبيه دمار هالايام اجل وشولون في ايام المراويح فصل الربيع
والله اللي يبي يمشي سوقنا ياولد البراري يتحد المواقع الاجنبيه
ومن الحين وطالع نبي نجتهد اكثر في التوقعات حتى نتفوق عليهم
والله يرحم حال الارصاد السعوديه والخليجيه
يالربع عطون الدعم اللي يجيهم والامكانيات قسم ثم قسم ثم قسم اخر
ان نتحدا اعتا المواقع في العالم
مير العين بصيره واليد قصيره والشك وعدم الثقه في الكوادر الوطنيه ما ريح بالهم
ويحسبون العقول حكر على الغرب وان احد غيرهم لايمكن ان يبدع
اه ثم اه
لو عندي امكانيات واتيحت لي الفرصه اول شيء اعمله قمر صناعي مسنتر فوق الجزيره العربيه
بجميع الامكانيات واخليه يبث مباشر واهم شيء رصد البروق والمزن

[القصيعة]

المشاركة الأصلية كتبت بواسطة خالد العوض

اذا توقعات المواقع الاجنبيه دمار هالايام اجل وشولون في ايام المراويح فصل الربيع
والله اللي يبي يمشي سوقنا ياولد البراري يتحد المواقع الاجنبيه
ومن الحين وطالع نبي نجتهد اكثر في التوقعات حتى نتفوق عليهم
والله يرحم حال الارصاد السعوديه والخليجيه
يالربع عطون الدعم اللي يجيهم والامكانيات قسم ثم قسم ثم قسم اخر
ان نتحدا اعتا المواقع في العالم
مير العين بصيره واليد قصيره والشك وعدم الثقه في الكوادر الوطنيه ما ريح بالهم
ويحسبون العقول حكر على الغرب وان احد غيرهم لايمكن ان يبدع
اه ثم اه
لو عندي امكانيات واتيحت لي الفرصه اول شيء اعمله قمر صناعي مسنتر فوق الجزيره العربيه
بجميع الامكانيات واخليه يبث مباشر واهم شيء رصد البروق والمزن

.
.

مساكم الله بالخير

أشوف الموضوع صار سياسي :59: يابو محمد

بس عاد بعذرك .. والله لو الامكانيات اللي عندهم عندنا كان شفت فطاحلة بالاحوال الجوية وش أنت ياخالد العوض عند هالفطاحة :biggrin:

لأننا نتشوق للمطر ونتحره :3: ماهو مثلهم كل يوم مطر.

وهالأيام أشوفهم بدوا يشفرون المواقع خصوصاً الشرق الاوسط شكلهم سمعوا بشبكة البراري وخافوا أن نافسهم :5:



قبطان السفينة لاتركز علي واجد :5:

..

[صلاح الزعاقي]

السلام عليكم ورحمة الله 00

درجات الحرارة على أقصى الشمالية عادت إلى الاعتدال مقارنة بيوم أمس

والضغط الجوي أيضا أقل قيم من أمس 00 والله يجيب الخير

[خالد العوض]

سبحان الله السحب اللي في وسط البحر الاحمر من النوع الانفجاري السريع
يالله لاتحرمنا منه
وين اهل الحجاز مافيه صور على الصبح نكحل العيون فيها

[خالد العوض]

معاودة ظهور الغيوم المتوسطه والمنخفضه جهة المدينه والقصيم هذا اليوم امر ايجابي
ويبشر بخير ونتضرع الى الله ان يحدث ذلك

يالربع هو فيه احد في المنتدى غيري

[نجم سهيــل]

المشاركة الأصلية كتبت بواسطة خالد العوض

معاودة ظهور الغيوم المتوسطه والمنخفضه جهة المدينه والقصيم هذا اليوم امر ايجابي
ويبشر بخير ونتضرع الى الله ان يحدث ذلك

يالربع هو فيه احد في المنتدى غيري

الله يبشرك بالخيـــر
يابومحمد

[ذيب الموشم]

غرب القصيم الرياح شماليه شرقيه الجو يميل الى الدفء السماءخالية من الغيو م ونسأل الله ان يرحمنا ويسقينا الغيث انه سميع مجيب

[أبو خالد]

السلام عليكم ورحمة الله وبركاته
جدة هذا الصباح
ظهور سحب جهة الجنوب الغربي يبدو والله أعلم أنها سحب ركامية
وهذه صورة لسحاب كما رأيته من فوق سطوحنا
وأسف على رداءة الصورة