ياالله يا منشي سحاب ٍ تجمعه

[عبدالمحسن الرحمه]

بسم الله الرحمن الرحيم

السلام عليكم ورحمة الله وبركاته

(( هذي أبيات عن دار المجمعه ))

يالله يامنشي سحابٍ تجمعه ==== يرزم رعدها فوق دار المجمعه

تستر نفسٍ شاقها برق المزون == اللي تشوفه من بعيدٍ ملمعه

يهل ماها فوق هاذيك التلال ==== ويسيل سيله من أعالي مجمعه

يالله يارحمن ياوالي السماء ==== ياللي عليمٍ ما نخفي تسمعه

تحفظ ديار الجود دار المكرمين == هي ديرة المعروف دار المجمعه

فيها رجال ٍأصلهم أصل أصيل === من طيبهم ما تقدر انك تجمعه

سلام يا صل لهلها عدّ النجوم === من واحد ٍ شوقه تذارف مدمعه