تحدي الكسرات

[الذعذاع]

صح لساااانك يابو سعود

وهذي اعترضت بنصيبها واكثر مايهيض الشعاااااار اذا صار لها قصه وكانت فجاااائيه

يابنت تكفين انا ملتاااااااع
غطي هدب عينك السحري

القلب قد هو من اول مااااع
والجسم من صاااااااحبي مبري


الذعذاع

[الركام]

صح لسانك يابو زياد
والله يعينك

ياويل منهو زمانه ضاع
تركض سـنيـنه ومايدري
وان قلت ماهو لقولك طاع
يـقــول تـو الـزمـن بدري

[الذعذاع]

حضي كذا بالهوى له بآآآآآآآآع
أدري وياليتني ما ادري

لابد ما يخضر المرباااااااع
واتروح الاحزآآآن من صدري

الذعذاع

[الركام]

الخوف من كونكم طماع
كل ماظهر لك قمر تشري
تراه بـيـسبب الاوجاع
لا بد ماتحـسـم الامري

[برق العارض]

اصبر على الهم يالذعذاع
الحب ماهو يجي جبري
لابد تتحسّن الاوضاع
وتنساه وعيونه الخدري

[الركام]

حياك الله يابرق العارض
ونسعد بمشاركتك

[الركام]

الحزن سيطر على الجلاس
مافيه يوم يجـي صـافي
وان جيت تشكي لقيت الناس
تشـكي ولا فيه متعـافي

[الذعذاع]

صح لسااااااانك اخوي برق العارض الله لايهينك

ابو سعود صح لساااااانك يابعدي


لاباس ياصاحبي لاباس
ياطيب الساس ياوافي

الناس لو تشكي الاوناس
ما اظن تبدي لك الخاااافي


الذعذاع

[سفير العيص]

السلام عليكم ورحمة الله ويركاته
كسرة اليوم موجهه الى الذعذاع وانا بانتظارالردعلى احر من الجمر

في هاجسي لو تهب النود @@@ وبمزونها البارق الوامض
لاعنك ناشد ولا منشود @@@ تلقى الحلا مطعمه حامض
والعود لاطق راس العود @@@ نطحنك يالشاعر الغامض
ازبن على الظل يامقرود @@@ بالشمس يلعبك الرامض

[الذعذاع]

يآراعي القآف مامن فود @@@@ وش هو له تبني على آمض
دور بدآله واقودك قود @@@@ وأطعمك من مرك الحآمض
دام انك تريد وتبغى رود @@@@ لاتكشفه سرك الغامض
سآير وعن كلمة المنقود @@@@ أشوم وأمشي على الرامض

حياك الله ياسفير العيص
وش هالقاف المكتف هههههههههه
وترى ردي بالبيت الاول والابيات الثلاث اعتبرها نقاط لصالحك
يسعدني تواجدك الله يحفظك وبإنتظار جديدك