سحاب شقراء -سواليف الاولين ايام بيوت الطين والحياه الطيبه

[بقآيآ .. حرف]

شكراً للجميع وهذا يبين معدنكم الطيب والأصيل
والبراري بمن حظر وتواجد وشارك
والغائب لا نملك له إلا الدعاء بالتوفيق
يقفل حتى عودة صاحب الموضوع
كل التحايا

[سليمان المحمد]

السلام عليكم
بعد اذن مشرفي القسم اعادة فتح الموضوع
حياك الله اخي سحاب شقرا
عودا حميدا
الحمد لله على السلامة طهور إن شاء الله

[سحاب شقراء]

المشاركة الأصلية كتبت بواسطة سليمان المحمد

السلام عليكم
بعد اذن مشرفي القسم اعادة فتح الموضوع
حياك الله اخي سحاب شقرا
عودا حميدا
الحمد لله على السلامة طهور إن شاء الله

الله يسلم قلبك وعمرك يالغالي
جعل والديك للفردوس امين
وبيض الله وجهك

[الركام]

السلام عليكم ورحمة الله وبركاته
الحمدلله على السلامة ياسحاب شقراء
بشر عن صحتك عساك بخير
وعودا حميدا

[سحاب شقراء]

المشاركة الأصلية كتبت بواسطة الركام

السلام عليكم ورحمة الله وبركاته
الحمدلله على السلامة ياسحاب شقراء
بشر عن صحتك عساك بخير
وعودا حميدا

عزالله قدرك ومقدارك يالركام الغالي
وبشرك انا بخير ولله الحمد والشكر

[سحاب شقراء]

السلام عليكم ورحمه الله وبركاته
وشلونكم يالغالين عساكم طيبين
وكل الشكر ل تميم بن محمد ابو محمد جعله مايشوف شر
وبو سيرين والغاليه رذاذ وبقيه الغالين كلهم الي سئلو عني جعلكم جميع ماتشوفون شر

رحت ابا اكشف كشف دقيق بالرنين المغناطيسي على العامود الفقري ونا عندي 6 فقرات وخطرهن الفقره الثالثه مالها حل ضاغطه على النخاع بدرجه شديده
وبنسبه نجاح 7 في الميه ونا معيي اسويها

ولقو فيني شي ماينقال ههههههههههه بس ابا اقوله
بواسيروناسور فحل وكره عباره فحل للناسور
ونا مسويهن من فتره طويله بس رجعن شكلهن راغبات
وكود شي علي الخابور الي بعد العمليه
ابد مثل الطلق في الولاده بس مالي اربعين يوم نفاس
شوفوني مقوا ارقا الدرج هههههههههههه

[عايد]

هلا وغلا بالاستاذ والصديق سحاب شقرا
لك وحشة في غيابك ..... والحمدالله على سلامتك ... وعوداً حميداً إن شاءالله ..
تقبل استاذي مني كل الووود والاحترام لشخصك الكريم

[سمو المشاعر]

والله يا اخي اولاً الحمد لله على السلامه
والحقيقة نحن كنا نتسأل عنك وعن صحتك
والاخ الفاضل تميم افاد انك سوف تعمل عملية خطيرة وهو قلقان جراء الوضع وطلب جوالك ولكن حسب ما ذكر انك او صيت أحدى بناتك بالتواصل في حال لاسمح الله جرى لك أي شيء وهنا اصبح الجميع يسأل ويتحرى هنا وهناك حتى عثروا على معرفك متواجد بمنتدى شقراء فيما يبدو وباستمرار هنا طبعاً دارت الأسئلة وهذا الوضع ترك مساحة للأخذ والرد ولكن ما يعلم الغيب إلا علام الغيوب وبناء على ذلك
نامل بعد ما ابديت وشرحت الواقع
وملابسات ما غم على الاخوة الكرام
نقول العفو من شيم الكرام والمسامح كريم
للجميع ونحن اخوة جمعتنا ساحة البراري وعبر لوحة الكيبورد يفرحنا ما يفرح أي عضو ويكدر صفونا ما يلم أي طاري ايضاً بأحد نسأل الله للجميع السلامة والصحة والعافية

والسلام ختام
تحيتي للجميع.

[رذاذ]

السلام عليكم

أستاذنا سحاب شقراء ..

أول شي الحمدلله على سلامتك ...

وثاني شي ماكنت أنوي الدخول في الموضوع إطلاقاًً والكلام فيه .. ولكن أنا دخلت لأبرىء ذمتي أمام الله عز وجل وأمام الأعضاء ...

ويعلم الله ياأستاذ سحاب بصدق نيتي .. ولاتخاف.. إذا كنت أقول وأكتب عكس مانويت بردودي السابقه .. فلي رب سيحاسبني يوم الحساب ...

أستاذي في ردودي السابقه لم أتطرق نهائياً لأين موقعك او أي منتدى أو مكان أو ماهو نشاطك على الإنترنت .. سواء هو منتدى ولا تويتر ولا فيس بوك ولا غيره .. وإكتفيت بقول إنك تمارس نشاطاتك اليوميه ... وهذا كان من حرصي عليك وعلى خصوصيتك ...

الشي الثاني استاذ سحاب أنا أعرف بنتك مشاعل زين ... وأنا احسب الكلمه الف مره قبل أكتبها ... ولكن ياأستاذي الفاضل لو أنا وجدت مجرد مواضيع اوأخبار منقوله أو رفع لموضوع أو رد بسيط .. كان شكيت إنه هذا مو إنت ...
لكن ياأستاذي الكريم لما أجد ردود بنفس إسلوبك ونفس ضحكاتك وتعليقاتك المعروفه و بنفس طريقة سردك للمواقف ... وفوق هذا كله أبيات وشعر تكتب جديده وليست قديمه !!!! طبيعي جداً أن أشيل من راسي فكرة إن هذي بنتك .. !!
!!!

وكذلك منتدى مثل كذا عزيز عليك جداً ويعتبر هو بيتك وتكتبون فيه أخبار فلان وعلّان فالأولى أن يكون بينهم خبر أنك بتخضع لعمليه جراحيه وتطلب منهم الدعاء ..!! هذه وجهة نظري

بالنسبه لإتهامك لي الآن بأنني قلت عنك كذاب .. لا وربي .. حاشاك وأنا مالفظت هذي الكلمه إطلاقاً ...
وجملتي ( يبدو لي بأن سحاب شقراء لم يخضع لعمليه جراحيه ) ليش فسرتها بإتهام بالكذب ... ؟!! كنت تقدر تفسرها بأنه العمليه تأجلت أو صار هناك تقدم في حالتك الصحيّه وماتحتاج عمليه .. او فيه أمور تعقدت وتحتاج تحاليل زيادة وإجراءات أكثر .. وحسب ردودك الآن قرأتها وأنا مستعجله وماركزت أعتقد إنك ماخضعت لها بسبب ظهور مشاكل أخرى لديك .. فإذاً ..جملتي في محلّها ... والإعتقاد لايعني تكذيبك ... ولكن الإعتقاد يتكلم عن أغلب ظني أنا بك ...

والأهم في الموضوع كله .. مسألة فك التثبيت ... والله العظيم إني ماتواصلت مع أي مشرف إطلاقاً ولاأعرف من الذي فك التثبيت ... وليش
ولكن حسب مااعرف بخصوص إني قد أشرفت قبل .. الموضوع الذي يطول الأخذ والرد فيه من غير فايده يغلق ... وإذا ماكان صاحب الموضوع متابع موضوعه يفك تثبيته .. لحين عودة العضو
وقد قبلك ياأيها الفاضل فكّو لي المشرفين والإداريين مواضيع كانت مثبّته .. ووالله ماحز بخاطري أبداً ...!!
وتقدر ترسل للمشرفين وتعرف منهم أسباب فك التثبيت وقد يكون عندهم سبب آخر ...
أنا ماأدافع عنهم .. لكن ماأعتقد إنه بيجي إنسان ذو أخلاق بيتخذ إجراء تجاه عضو أو مواضيعه .. بسبب ظن من عضو آخر .. فلن يبني قرارات إدارايه بسبب خزعبلات عضو تافه مثلي .. !!!

وختاماً عند مابحث وكتبت ورددت وقلت سحاب يتمتع بصحه .. ومااعتقد سوى عمليه ... لاأقصد الإساءه بسحاب أو النيل منه ... ولكن شفت هنا الأعضاء وهم في قلق وحيّره كبيره وخوف كبير عليك وترقّب أي خبر منك ومنهم رذاذ
فحبيت فقط إني أطمنهم إن سحاب مافيه الا العافيه .. فقمت أركض وراك وأدورك ..

وبمختصر الكلام هذا كله ...حكمه بسيطه نقصتك بالرغم من كبر سنك المفترض لك خبره بهالأمور .. لو إنت كلّفت بنتك الله يخليها لك مثل ماهي متواجده في أماكن ثانيه .. تدخل بس مره وحده هنا وتحط لنا رد واحد يطمنا عنك كان ماصار هذا كلّه ... !!! أو رساله نصيّه واحده للشيخ تميم ماراح يصعب عليك أو عليها كتابتها ...!!!!



وتأكد إني مابحثت عنك إلا محبّة ووفاء ... ورغبه إني أطمن الغاليين هنا .. لكن أحيان الإنسان يكون متسرّع والعاطفه تجرفه ...
وإلا أنا وش لي بهالدوّامه ووجع الراس والبحث والإنتظار ... !!!!

( المشرفين أسالهم بالله الذي لاإله إلا هو أن لايحذف الرد لتبيان الأمور ووضعها في مجرى الحق والصدق والعدل )..

خروج من الموضوع كاملاً

سبحانك اللهم وبحمدك .. أشهد أن لاإله إلا أنت .. أستغفرك وأتوب إليك ...


رذاذ

[أبو سيرين]

سـحـاب جـيت ونحمد الله على جيتك
ولا نبي جيتـك تجـيب مـعـهـا الـكلام

نبيك شيخ ن على الهقوات ووخيتك
تعـذرها ولا يجي منكم سـؤال وملام

حنا انتظرنا ونشدنا وش سبب علتك
مـن حـبنا لك ولا طـلبنا غـير السلام

دعينا لك بالشفـا وان الله عـن سيتك
يتجــاوز ويسكنك بـدار خـير ومـقام

أعــرفــك طــيب ولا نـشـكـك بـنـيتك
والله يعـلم دبيب النمـل وسـط الظلام