@ نمضي بها والعمر يمضي ولا تقف @

[الذعذاع]

بسم الله الرحمن الرحيم

السلام عليكم ورحمة الله وبركاته

بقلمي أرجو ان تحووووز على رضااااكم واستحسانكم أحبتي









ايامنا ما احدن درى وش جرى لها
ياسرع ضحكتها وسرع ادبارها

نمضي بها والعمر يمضي ولا تقف
وياكم حبيب أخفته في ترابها

تلبس لعَشّاقها ملبوس يعجبه
وتعطيه كل اللي يبي من حنانها

يالين تصبح همه وكل ما يبي
وينسى هله والناس من زين مابها

ويالله انا طالبك ياسامع الدعاء
ياعالم اللي بالمخاليق صابها

سامع دبيب النمل وعالم بعدته
في ليلةٍ ظلما تعاظم سوادها

إنك تبين لي من الضيق مخرجي
دروب السنع يارب عطني صوابها

أنت الذي ما غيرك أحدٍ يعينني
مدات جودك ما حدن يوم جادها

والختم صلى الله على سيّد البشر
إعداد ماهل المطر من سحابها

وسلاااامتكم
الذعذاع (طارق الحربي )