تانكي لخلفية اللكزز

[ذيب نجد]

السلام عليكم

ياسلام عليك اخوي الروضة

كل شي مرتب ومنظم

ماقصرت على هذا الموضوع

ونحتاج مثل هذي الافكار




ذيب نجد

[عاشق الدحول]

انشهد ان فكرتك للتانكي مافيه مثلها

ولا يضيق ولا شي

بس مثل ما قال اخوي اخاف الماء يتكبكب على الفرشة

[الـــوردي]

ياملا العافية يا ابو عبدالعزيز

انت كلك خير وبركة وين ما تحط يدك

شكرا لك

[الروضة]

الأخ طير السعد
حياك الله وكلامك صحيح يمكن يتسبب في سكب الماء
لكن تقدر تضع لي التعبية مع نفس الحنفية وتضع نقاص من فوق ويكون فيه ليمكيف صحراوي ويكون طرف هذا اللي خارج السيارة وإذا أمتلىء يخرج الماء خارج الغمارة
الأخ ذيب نجد
حياك الله ومشكور على هذا المدح وتراي ماأتيت بشي جديد
الأخ عاشق الدحول
حياك الله وياهلابك
بس لاتخاف مثل ماقلت ضع لي التهوية خارج السيارة ولا تجد نقطة واحدة داخل السيارة
الأخ الوردي
حياك الله وأنت كلك خير وبركة ومشكور على مرورك الكريم

[نقا الجمل]

لاهنت يالغالي

فكرة رائعة ماشاء الله

مبروك . الله يطعمك من خيره ويكفيك شره

[الهدد]

فكرتك اخوي الروضة متازة جدا ولا تاخذ حيز مثل ما قال الاخوان

لكن انا اخاف ان التانكي مع المطبات يتخلخل من مكانه ويحوس الدنيا

انت تعرفنا في البر مطافيق ونسرع

الا على طاري خلفية اللكزز تعرف كيف ادخل احداثية في جهاز اللكزز

[راعي زاهبه]

وين ادلارة المنتدى المفروض اخوي الروضة تسمونه خبير أدوات رحلات

اتمنى تنتبه الادارة لهذا الامر

[الروضة]

الأخ نقا الجمل
جزاك الله خير ومشكور على مرورك الكريم
الأخ الهدد
حياك الله وياهلا بك
وبالنسبة للمطبات تقدر تثبت التانكي بلحام على الجوانب لكن التانكي إذا كان مليان موية مايتحرك وبعدين أنا رابطة بسبت مايتحرك ولو تحرك وضعت له مسامير
وبالنسبة لأدخال الإحداثية في اللكزز ماأستطيع أفيدك
ومرة أخرى مشكور على تشريفك
الأخ راعي زاهبه
ياسلام عليك تراي صدقت نفسي بعدين يكبر راسي عليكم
ومشكور على مرورك الكريم

[الدوار]

اخوي الروضة اشكرك على تفاعلك وافكارك
سؤال ليش ما تكون الاستبه فوق وتخلي التانكي تحت مثل السيارات الاوله

[الروضة]

أخوي الدوار
حياك الله وياهلاوغلا
أنا عندي الأستبنة تحت ( مكانها الأصلي )
ولو وضعت الأستبنة داخل ووضعت التانكي تحت ضيقت علي أكثر من وضع التانكي داخل
وبعدين يكون الماء أبرد في الصيف خصوصاً إذا مسكت خط
ومشكور على مرورك الكريم