ابيات متواضعه على عجاله ارجو ان تليق بتواجدكم
عشقي وشوقي والوله وإحساسي المكتوب
مابين صفحات مضت وقلوب منهوبه
ماله مثيل في محبة واحد رعبوب
امشي معه وااسايره ماتهت بدروبه
وافي وطبعه بالوفآ في كل مكان ونوب
ماهزته ريح العذل في حب محبوبه
له في شراييني غلا والقلب فيه يذوب
وآغار من نسمة تجي وترفرف بثوبه
حكيه ومنطق كلمته حكمه وفيه اسلوب
وحروف حكيي لاحكيت اتوه بإسلوبه
شلال شعره ليل اسود للضيا محجوب
لأرخى سدوله في سماي آسير بعجوبه
في بحر عينه غرقتي وانقاذي المحسوب
سبحان من سوى هدبها وصرت مصيوبه
وسبحان من خلا الشهد من شفته مسكوب
وخلا النحل مايستدل ولا يجي صوبه
هذي مثل نقطة بحر في وصفك المطلوب
والا انت من هو يوصفك مانال مطلوبه
ســــــــــــــــــــــــــآهر
2012-05-12, 07:37 PM
سبحان من خلا الشهد من شفته مسكوب
العرض الشجري