الجزء الثاني من موضوعي ( لو قالو باقي بعمرك 6 ايام وش بتسوي )

[ظل المطر]

بسم الله الرحمن الرحيم

السلام عليكم ورحمة الله وبركاته
الحمد لله والصلاه والسلام على سيد المرسلين .. سيدنا محمد وعلى اله وصحبه وسلم تسليماً كثيرا

انا طرحت موضوع وكان عنوانه سؤال للجميع والسؤال ( لو قالو لك باقي من عمرك 6 ايام وش بتسوي فيها )

بصراحه هالسؤال له قصه مدتها 4 شهور

في يوم من الايام كنت نايمه وتحلمت بشيخ كذا او رجال كبير يقول لي ان تاريخ وفاتي بتاريخ 26-4-2012 وقريت التاريخ هذا على جدار في الحلم

وما رضيت افسر الحلم وسكتت عنه فتره وجلست احسب واحسب واحسب باقي كذا باقي كذا

ومن فتره قلت لاختي وسوت مناحه تبكي هههههههه < فجعتي اختك الله يهديك

وتحاول فيني افسر الحلم وانا مطنشه فرحانه بروح للجانب الثاني من الحياه ^_^

وقامت تتصل على مفسرات للاحلام ويقولو اختك تكلمنا بنفسها ما نفسر احلام منقوله

وانا لازلت مطنشه ^_^

واستمريت معها كل ما زعلتني اقول لها خلاص اصلا باقي شهرين
باقي شهر
باقي اسبوعين

اخر شي الجمعه باقي 6 ايام لا تستعجلي خخخخ

والبنت تدخل جوها في البكى ههههههههههه << رحمتها حبيبتي

الين امس الجمعه فسرت الحلم وجزاك الله عني خير الجزاء ما قصر في تفسير الحلم
وقال لي ان الموت من الغيبيات مستحيل احد يعرفه
وان تفسير الحلم تبدل الحال وان شاء الله انه يكون للافضل

ما اقول لكم ان هالاربع شهور اللي عشتها كانت مرعبه لا
بالعكس تقربت من الله اكثر واكثر ولله الحمد
وكل اجاباتكم كانت نفس اجابتي
راح نخلي باقي ايامنا عباده وتقرب لله وطاعه

لها حلاوه والله راح اخلي حياتي كلها ( باقي لي من عمري يوم ) عشان اجتهد اكثر في العباده والطاعه

وفي الحقيقه ما بقي من العمر الا لحضه بين لحضه والثانيه يجي الموت وينتهي كل شي

عاد اقول لكم انا ايش سويت

كتبت وصيتي من فتره يمكن اسبوعين

<< مو وصيه هاذي 3 صفحات!!
مخطوطه خخخ

باقي انقلها في دفتر يومياتي ^_^

<< ياويلي ترا ابوي مسجل معانا بالمنتدى بيشوف الموضوع وبيجني

ههههههههههه هدي اعصابك مجرد حلم

المفروض ان المسلم ما ينام الا وهو كاتبها

للحديث

عن عبد الله بن عمر - رضي الله عنهما - أن رسول الله - صلى الله عليه وسلم - قال: (ما حق امرئ مسلم له شيء يوصي فيه يبيت ليلتين إلا ووصيته مكتوبة عنده) متفق عليه، وهذا لفظ البخاري، وفي رواية لمسلم

ان احياني الله بكون وسطكم وبينكم

وان اخد امانته اتمنى منكم جميعاً تسامحوني
ويشهد الله ان لكم في قلبي الود والاحترام والتقدير جميعاً
واعتبرتكم اهل لي

وفالنهايه كفارة المجلس

سبحانك اللهم وبحمدك اشهد ان لا اله الا انت استغفرك واتوب اليك