ابنتظر ردك علـى نـار الاشـواق

[الركام]

ابنتظر ردك علـى نـار الاشـواق
الله يجيـبـك دام فالصبـرطـاقـه

يمكن يرٌوق خاطـرٍ منـك مـا راق
لا من توثـق معـك حبـل العلاقـه

لو كان مر الصبر ماهـوب ينطـاق
عندي مـراره منـك حلـوٍ مذاقـه

واش لون ما تشتاق لا صرت مشتاق
وانا علـى لا مـاك شفـقٍ شفاقـه

ومترجمٍ حبي علـى بيـض الاوراق
ومهديك من زود الغـلا كـل باقـه

واللي على الفرقاء يبي قطع الارزاق
ماله جمـل فـي سالفتنـا ونـا قـه

طلي بنورٍ يلتهـب مثـل الاشـراق
باسلوبك المرهـف وحسـن اللباقـه

والكلمه اللي باقيه وسـط الاعمـاق
بيـن اجتمـاع الشمـل والا فراقـه

عطنا لها تصريح يامدمـج السـاق
عشان نعـرف حبنـا واش نطاقـه

انتـه اسـاس الـذوق بلحيـل ذواق
نبي من احسـاس المشاعـر ذواقـه

منقول