رحلتنـا إلى روضة الخفيسات الخميس 17 / 2 / 1430 هـ .. خياااال + أشياء لأول مره اشوفها + ادعوا له بالرحمة ....!

[نايف العز]

السلام عليكم ورحمة الله وبركاته

نعود إليكم من جديد مع التقارير وطلعات البر والربيع والفله وسعة الصدر ....!

طبعاً .. مخلص من إختباراتي الجامعية وفله تكون مخلص وفيه طلاب الثانوي يختبرون <<< ينقهرون .. خخخخخخخ ..!!

عموماً .. الخميس الماضي اللي هو أمس الموافق تاريخ 17 / 2 / 1430 هـ ...<<< سالفة صارت

طلعنـا البر وتحديداً قلنـا خل نروح لم روضة الخفيسات المهم توجهنـا في حدود الساعة 10.15 إلى الروضة .. طبعاً مع طريق الشحمة ثمييييين يمين .. وعآد لين توصل <<< مشوار اوصف عآد ..!

وفي الطريق لقينـا هاك الحوار اللي مستلقي <<< خربت عليه نومته ..



الأخ الحوار درى ان فيه تصوير قال لازم نضبط الشغل والجلسة الدعوى فيها منتدى وشهرة ...!





نظرة موب أي نظرة ما يمديني عليهـــــا (( مرسم )) ....



وقبل ما اروووح انهاه بأبتسامه أبدااااااااااااع ...



طبعاً اول ما وصلنـا في حدود الساعة 11.45 ماني متأكد بالضبط لكن الأهم وصلنـا وبس ..!

وأول ما شفنـا حول الروضة .. حـمار (( تكرمون يالغاليين )) + خروف بجرس <<< كح كح كح قدييييييم جرس .. داري والله ..!!

مع احترامي للحمار والله ما يدري وين الله حاطه هههههههه ..



من عيونها تقول .../ تكفى لا تروح ...! نظرات رحمة وبراءه ..!



طبعاً دورنـا لنـا مكان وجلسنـا والعالم ما يحتاج كل مالهم ويكثرون ويكثرون ويكثرون ...!!
والحلال ما يحتاااااج ما ابالغ ان قلت أكثر من 500 رأس في الروضة ....!!!
والناس حدث ولا حرج .. أختبارات ومع ذلك الروضة مليانه والله ما تلقى لك مكان فيها ..!
طبعاً فيه واحد معنـا فاضي .. جلس يعد في هالسيارات ووصل قرابة الـ 200 سيارة ..
حسب الأحصائيات اللي سواها وقت الظهيرة ...!!!!



شوفوا وش كثر هالناس ما شاء الله ..!



طبعاً لقطت صورة لعشاق الهمر ...!



طبعاً وانـا اطقطق صور في هالربيع الجنان .. شفت شيء بصراحة أول مره اشوفه في البر ..!
ههههههههههه .. والله من جد .. شوفوا الصورة ../



دبابات منوووول .. يوووه <<< شوفوا الحلال وراه هذا غيض من فيض ..!

شوفوا ربيع الروضة ... فيمـا نجهز الغداء ..//











ضبطنـا الغداء وحطيناه على الضو .. ولا يفوتكم الشوي في اللقطات ..



مراحل الشوي ..../

تونـا حاطينه على الجمر



مرحلة نصف استوى ...!!



سم الله يحييكم على قل الكلافة وما عملنـا إلا الواجب ...!



بعد ما تغدينـا ... رحنـا لم الخفس ...! وضبطوه وحوطوه بالسياج <<< قبل كان مفتوح ..! ..
تخبرون انحن يالسعوديين عاقلين وراكدين عشان كذا حطوا سياج ..!!!
بس والله خطر كبير ... أن شاء الله ما يطيح فيه احد ..!





ــــــــــــــــــــــــــــــــــــــــــــــــــ ـــــــ


في ختام موضوعي اتمنى منكم تدعون لدكتورنـا في الكلية حاتم يامين
اللي توفي أمس في حادث سير ..! وبصراحة ضاق صدري يوم سمعت الخبر
لأنه كان اقرب من لنـا في الكلية وكان طيب وتعامله قمة في الأخلاق والمثالية
لكن هذي الدنيـا .. ما ندري انحن نعيش بكرة ام .......!



الله يرحمك دكتور حاتم ويجعل قبرك روضاً من رياض الجنة
لا حول ولا قوة إلا بالله .. وإن إليه راجعون ..

ــــــــــــــــــــــــــــــــــــــــــــــــــ ـــــــ