السلام عليكم ورحمه الله وبركاته
اسعد الله جميع اوقاتكم بالخيرات
هذي قصيده عن الغربه ومايعانيه المغترب
وهي بعد مضي سنتين للشاعر في الغربه
اليوم تاريخ الشهر خمسه ابريـــــل
غلاق عامـينٍ علــــــــى غير ماطـاب
عانيت فيهن ضيقة الصدر ياسهيل
وسامرت نجمٍ يصبح الصبح ماغـاب
وان نمت في وقـت متأخر من الليل
اقـوم مثل اللي وطت رجله الـــــــداب
لولا الظروف اللي تحد الرياجـيل
ماكــان نفتح للمعـــــــــاناة الا بــواب
ولاتعـرضنا الشقـا والغــــــرابيـل
لكن هــــــذا المكتوب مـاعنه مجنـاب
ياسهيل ما يحتاج للوضع تحلـيل
اما تقوم بحـــــــظ والا اقضب البــاب
احدٍ تجي دنـياه طـوع وتسـاهيل
واحـــــــــدٍ له الدنيــا تكشـر بالانيـاب
شـف كيف ناسٍ وصلتهم مواصيل
وشف كيف سوت في طويلين الاشناب
هقواتهم لوهي ورى الجدي وسهيـل
ويحسب لهم ياسهيل بحساب وحسـاب
جارت عليـهم غـــــبر الايـام بالحيل
ولبست لهم عسـرات الايـــــــام جلبــاب
هــانوا على الدنيا رجالٍ مشـاكيل
وصارت تمارس ضدهم حرب الاعصاب
واستفرس الثعلب هذاك ازهر الذيل
اليــــــ ـــوم ياكل صيدة الذيب ما هــاب
ماعاد به للذيـب حيله ولا حـــــيل
الا القنيب اللـي علـــــــــى راس مرقـاب
اشوف بعيوني وأعرف التفاصيـل
ولا اقول شــي الا وانا عــــــندي اسباب
وان ماحصل في بعض الاحوال تعديل
والا ترى مـــــاعــــــــــاد للعله اطبــاب
الشاعر
بطي بن محماس الغربي
2006-06-24, 02:57 AM
اليوم تاريخ الشهر
العرض الشجري