,,,,,,, بيتين شعر من نضمك (( مجاراة )) ,,,,,,,

[بقآيآ .. حرف]

ياللي هجرت البراري وش هي أعذارك
متى تباشير صبحك تعلن الرجعه
أن كان تسمع كلامي عوّد لدارك
أقلوبنا بالوفا والحب مجتمعه

بقآيآ .. حرف

[أبو سيرين]

ودي أشـوفـك تـجي وتـرد وتـشـارك
ما ينفعك غير حفظ الوصل والجمعه

نبي نـعـرف الـعـلوم وكـيف اخـبارك
ارجـع لـدارك قـبـل مـا تـنـزل الدمعه

[سحاب شقراء]

البعـد مايعـفـيــك الا تشارك

ولولاك غالي ماطلبناك رجعه

[سحاب شقراء]

تحذف يالغالين

[سحاب شقراء]

علمي انا ياخوي في جمه البير

محدن يعرفه كود منشي سحابه

الي بئمره يكفخ الطير ويطير

وبمره عزل حلوالبحر عن هماجه

سحاب شقراء

[رعد الشمال]

كم فتشو بين الضلوع المداوير
لا شك مايلقون غـــير انعواجه

الله من شيّن كتمته عـــن الغير
مابي لهم يافاهم الوضع حاجه

[شطر]

أسج يم النايفات المخاضير
وابعد عن القيعان وارض العجاجه
ارقب وليه بالمعالي مسابير
والجيب مايبطي بداخل قراجه

شطر

[سحاب شقراء]

الله يعدل دنيه الشر بالخير

عمرن تقلب ماعرفنا خراجه

ان زاد مالك يكثرون المسايير

ون قل مالك صرت مثل الدجاجه

سحاب شقراء ههههههههههههه

[تميم بن محمد]

المشاركة الأصلية كتبت بواسطة سحاب شقراء

الله يعدل دنيه الشر بالخير

عمرن تقلب ماعرفنا خراجه

ان زاد مالك يكثرون المسايير

ون قل مالك صرت مثل الدجاجه

سحاب شقراء ههههههههههههه

عسى هالضحكة دوم يا الغالي سحاب و يلبسك الله ثوب الصحة والعافية

[أبو سيرين]

يـا رعــد ما عندي لك اليوم تبرير
عـن الـغــياب اللي عجـزنا حسـابه

أيــام كنت تصـبح أصحـابك بـخـير
وتسـلم في بـيـتـين وتلقى الإجـابه

لا قـالوا رعــد يـغــرد أجيك واطير
واشــوف ربعي ســابـقـوا بالكتابه

طول غيابك وابي في الحال تفسير
والا تـرى مجـلـسـك بـنـصـك بابه