مرت ثلاثة سنين عجاف والشوق والبعد طاويني واليوم يالابس الشفاف شوفك عن الناس مغنيني شطر
عاشت حروفك وعشت وعاش حرفي على أبيض الشاشه لو كنت اعاني من اقصى الجاش من واهج الحب وارباشه شطر
ذكرتني ياشـطر ذعـذاع اللي من اول مخاويني حرفك وحرفه يجي لماع شعرك وشعره دواويني
ابشرك صاحبك ماباع عود عقب غيبة سنيني ودام البراري لنا مرباع به يجتمع شمل وافيني بقآيآ .. حرف
لي نهج واضح ولي اطباع يمكن شبه بينه وبيني ولكل شاعر ترى تباع ولكل شاعر عناويني شطر
مانيب جازم واظنه ضــاع سبايـب البعد وسنـينـي لو يرجع ويسبر الاوضاع يلقى الحبايب مهـليني
فاحت مشاعر فؤاده وشاع شعــره على نـاس غاليـنــي الصـدق ياركــام منّــك ذاع صحّـت يميـنــك مـلايـينـي رذاذ
اللغز لا بد له مرماع واللي خفى لازم يبيني لكن هلابه وانا طماع كم لي أنا ارجيه يوحيني
ماشاءالله تبارك الله حضوركم يسعد القلب .. أبو سعود ،، أبو عبدالله ،، أبو خالد لكم أعذب تحيه على هذا الحضور الجميل رذاذ
عام مضى خيره وشره واقبل علينا بداله عام يالله عسى للفرح جره والقاك ياصاحبي قدام شطر
2015-10-13, 11:35 AM
العرض العادي
