متابعة الطقس والأمطار لعام 1427-1428 ( 2 )

[بن سليمان]

الله يبشركم بالخير

حنا في سدير الجو غيم والسحاب زبن

والهواء جنوب غربي

[محمد القحطاني]

بارك الله فيكم

اخباركم تسر القلب

والاخبار طيبة عن وجود سحب ركامية على منطقة حائل وشمالها وكذلك القصيم وسمع الرعد في هذه المناطق

هذي شرح الاخ خالد العوض عن حالة الجو

مشاءالله وضع ممتاز جهة حائل و القصيم والمدينه المنوره



مشاءالله الوضع في تحسن مستمر ولله الحمد

اقوى سحابه هي رقم 3 حتى الأن

[الحايلي]

هذي صورة السحاب اللي على جنوب حائل بين الروضة وسميراء ونسمع صوت الرعد

[أبو خالد]

جزاكم الله خير يا إخوان
أخوي حايلي جزاك الله خير على الصورة الجميلة مشاء الله تبارك الله
صدق إني حطيتها خلفية
الله يجيب الخير
جدة السماء صافية أما الرياح فماني متأكد من اتجاهها يمكن تكون جنوبية غربية
اللهم أغثنا
استغفر الله وأتوب إليه
اللهم أغثنا
استغفر الله وأتوب إليه
اللهم أغثنا
استغفر الله وأتوب إليه

[ديم نجد]

:

المشاركة الأصلية كتبت بواسطة الحايلي

هذي صورة السحاب اللي على جنوب حائل بين الروضة وسميراء ونسمع صوت الرعد

ماشاء الله تبارك الله شكلي بدق وسلف واجيكم ياأهل حايل :22:

[ولد حريملاء]

ما شاء الله تبارك الله جنوب حائل وشمال غرب القصيم سحابه توسع الصدر


اللهم انفع بها البلاد والعباد

[الحايلي]

الامطار على جنوب حائل على قرية المشاش عصر اليوم

هذي السحابة قبل توصل



والان وقد بدات تمطر علينا



صورة قريبة للمطر وهو يهطل بغزارة



وهذي الارض وهي تمشي



بس واضح انها ماهي عريضة السحابة

والخير جاي بإذن الله

وشكرا للتواصل بيني وبين اخي الذي ارسل لي الصور

[ولد حريملاء]

كفيت ووفيت يالحايلي


الله يرزقك الخير دنيا وآخره على هذه الصور السنعه

ما شاء الله صور مافي زيها وحصريا على البراري

[مخايل البروق]

ما شاء الله

اللهم اجعلها امطار خير وبركه

وصلنا وجود امطار متوسطة على المدينة المنورة تركز على طريق المطار باتجاه طريق الرياض القصيم القديم وكان فيه زخات من البرد المهم غبة السحابه كانت على امتداد الدائري الاخير مع طريق المطار من سوق الصناعات الوطنية الى دوار المطار ويسمع صوت الرعد ويرى البرق قبل قليل
وكذلك سحب منخفضة شمال القصيم
ظهور السحاب ناثر سداه الثقيل اللي عليه الأنظار شمال الرس ما يقارب 70كم وتشوف سدا السحابة وبوسطها المزن كأنه جبال .
أما الرس البدائع عنيزة سحب ركامية نوعا ما تسدي بسرعة قد يسقط منها بعض زخات المطر .

هذي صورة الاقمار قبل قليل

[بن سليمان]

رسالة من جوال صديق في الشمال

الآن أمطار غزيرة على سميرا وما حولها والأرض بدأت تمشي

وأمطار على جنوبيات روضة حايل بدأت الأرض تمشي

وين اهل حائل يعلمونا التفاصيل