تحدي الكسرات

[غانم الضومري]

المشكله قلت لك واعلنت
الكسره أصلا ما اذمرها

الله يرحم زمان الكنت
الله يخليك حررهــــا

من باب حسن النيه ، إن كانت حروفي ثقيله خبرني .

شكرا استاذ الكسرات ســـــاهر الليل

إعجابي بحروفك يجعلني أفكر بهذا النوع من الشعر، هل تنصحني به !؟
تحيتي

[سآهر الليل]

لابه ثقل بالحروف ولا
به يمكم شي بالخاطر
مافيه غير العسل واحلا
وحضور مثل الزهر عاطر

ســــــــــآهر

مافيه شي يمنعك عن الكسره ,,,,, الى الامام الى الامام (:

[سآهر الليل]

يامجلس الشعر والشعار
عن ضيفك الباب ماينصك
قريب والا بعيد ديار
وش لون تجفاه لاخصك


ســـــــــــــــــــآهر

[غانم الضومري]

المشاركة الأصلية كتبت بواسطة سآهر الليل

يامجلس الشعر والشعار
عن ضيفك الباب ماينصك
قريب والا بعيد ديار
وش لون تجفاه لاخصك


ســـــــــــــــــــآهر

حياك ما بيننـــــــا أســـرار
لولا الهواء الباب ماينصك

نفرح ليا سيـــــر الزوار
تعريف في بعض ماخصك

تحيتي

[سآهر الليل]

دام الهواء مايثير غبار
وجدران هالبيت إلها صك

ماينقص القدر والمقدار
لو كنت في هالزمن ماأحرصك


ســــــــــــــــآهر

[سآهر الليل]

قمت آتخيل وقمت آخيل
مزن تهول هماليله
في حزة عصير قبل الليل
والضلع سالت مساييله

ســـــــــــــآهر

[سآهر الليل]

يآهيه ياغصن موز يميل
وقلبي مع الميل يومي له

يآمتعبه جيل بعده جيل
ودي من شفاك تعسيله

ســــــــــــــــآهر

[غانم الضومري]

ذعذاع ساهر لنص الليل
شارك عقب ما طفح كيله

لاتصير مثل ابرهه والفيل
يرسل عليهم آبـــــــــابيـلـه

تحيتي

[سآهر الليل]

خلك على جال نهر النيل
مالك على الناس تحويله
دام النوايا كبار وحيل
من يخلف الظن ياويله


ســــــــــآهر

[غانم الضومري]

النيل نهرك وريح الهيل
قصدي معك بس تعليله

وش فيك طرطعت ياستار
بيبسي تنثر على الشيله

أتمنى أني لا أتعدى الخطوط الحمراء ، وأنت من أعطاني اللون الأخضر ـ حينما قلت لي إلى الأمااام .
هل أنفع شاعر كسره ؟ الكسره إسمها خطير .. كسره .. لا كسر الله لكم كسره .
تحيتي