أمطار وكشتات وادي غزال 20/7/1429هـ

[rhaal]

السلام عليكم ورحمة الله وبركاته
الأخبار والعلوم والحال وشلونكم
بعد إنقطاعي عنكم حول الشهرين ما حبيت أرجع لكم إلا وعندي لكم شيء جديد
(رضاوه)
هذي الصور من أحد كشتاتنا هالسنه 1429هـ بالضبط قبل اسبوع يعني بتاريخ 20/7/1429هـ والميلادي ؟؟ ما عرف قلينزي
والمكان وادي ذي غزال
والصدق حامت تسبودنا من هالطلعات يازين الرياض وحره
لكن بعض المرات تجيك أجواء تنسيك الرياض وأهله مثل هالجو اللي ما صدقنا إنه جاء
وعاد هات أشوف ما علمنا أحد أبد
وكلها خمس دقايق ولا اللي بالزلفي يباركون لنا بالمطر طبعاً الرياض أقرب يعني من باب أولى درو
الطلعة بصحبة الشقردي علي (أبو سارة) والصور من أخراجهـ عطوه صفقه على هالإبداع
والأخ الفاضل سماحة العلامه أبو عبد المحسن (حطه على الجرح يبرى) برضوا أحلى تحيه لهـ :bavo:
وأنا طبعاً (أبو عبد العزيز)
اللي مزعل علي ليش ما معي لهـ شاحن جوال:h25:وأنا وش علي منك انت وجوالك

همن لحقنا الشيخ عبد الملك (ابو الوليد) كذا:0007:

ولو إني طولت عليكم أدري بس أبي الصور تتحمل يبيلها وقت
هذي البدايات السحاب ونشوئهـ

وبهاللحظات طقطقنا بالغداء سريع سريع
قبل لا يداهمنا المطر ويالله أمدانا نضف العزبه

بعدها ولله الحمد أنشقت علينا السحابه
يا ســــلام أجواء تفتح النفس وخلت ابو سارة يستانس ويرضى علينا ويسامحنا عن نسيان الشاحن

مطرنا بفضل الله ورحمة

وهات أشوف نشر الخبر وأنا أقول من علم أهل الزلفي وتمير بالمطر

عاد هذي من تصويري (كيييييييييييييييييييييييييف)

الله يجعلها أمطار خير وبركهـ ويعم بنفعها أرجاء البلاد والعباد

وتبدأ الأجواء الخلابهـ وكلن يعود من جحرهـ اللي متوزي به

همن عدنا لخرمة الشاي المخدر الساقط والقهوة المهيلة المزعفره بدون قدوع

وسامحونا كان جاء منا قصور وإنتظرونا في إصدار قادم بإذن الله وفي آمان الله
عاد الله الله بالردود