يا كثر ما رافقت خلان واحبــــــــاب

[جبتها ع الجرح]

يا كثر ما رافقت خلان واحبــــــــاب **** وياكثر مافي شدتي هملونـــــــي
على كثر ما اعدهم ستر وحجــــــاب **** على كثر ما احتجتهم واتركوني
من صارت الخوة ثمن حفنة اتـــراب **** نفس الوجيه اللي نصوني نسوني
من غير ذكرعروق وفروق وانساب **** كانو ثلاثة والثلاثة جفونــــــــي
علمتهم وشلوان الاهداف تنصـــــاب **** ولما سواعدهم قوت صوبونـــي
عشاني اصغرهم عمر صارواحزاب **** عشاني اصدقهم قصيد اظلموني
اللي نجاح اسمي زرع فيهم انيــــاب **** حتى النصيحة مابغو ينصحوني
دام العطايا عندهم دين واتعــــــــاب **** والله لو اطلب ذنبهم ما عطوني
طالب نصيحة كني مطالب ارقـــاب **** وهي نصيحة كيف لو زوجوني
كنت اكتب لنفسي مشاريه واعتــاب **** ولا ادري ان اللي قروني قروني
تضاربت من دوني علوم والبــــاب **** واجد بغو غيري وواجد بغوني
اقفل هدب تسهر على شعري اهداب **** كاني حبست ارقادهم في جفوني
لوشفتهم واحد يشوفوني اســـــراب **** من وين ما لدوا نظرهم لقونــــي
اثري وجودي بينهم محرق اعصاب **** ومزعل بعضهم من بعض لو طروني
ياكبري بعيني وانا توني شـــــــاب **** واهم كتاب الشعر حاربونــــــي
حتى ولو يهوي على نجمي شهـاب **** يكفيني ان اسمي كبير بعيونـــي
قد قال ابوي لو هبتهم قول ماهـــاب **** لويقدرونك قول ما تقدرونـــــي
ومادام قبري محتظن راس مرقاب **** على كثر ماتقدرون ادفنونـــــي
لو ماني بذيب انهشت عظمي ذياب **** لو ماقدرت اثبت وجودي لغوني
لو ماسكنت وجيههم مت بغيـــــاب **** لو ماعرفت امحي ورقهم محوني
ماجيت ابذبل كبدهم شعر واخطاب **** لين اذبلو كبد اللي خلفونــــــــي
ياويل وجهي كن للدمع مخـــــلاب **** ماجف ماه وما استحى من طعوني
كل ماطرا لي منظر مريب وارتاب **** كان الوحيد اللي يحرك شجونــــي
قبلت صلاة وذكر وخشوع وكتاب **** وامي على سجادة النور دونــــــي
تدعي لي الله يفتح بوجهي ابـــواب **** تتوسله بالشدة يكون عونـــــــــــي
من كثر ما خفـــاقها بالدعـــاء ذاب **** صارت تحس ان ازملاي اكرهوني
بشرتها يمه معي ربع واصحـــاب **** ماني لحالي واجد اللي يبونــــــــي
من يوم ماحاز قلمي كل الالقــــاب **** قلبتهم في دفتري واحفظونــــــــي
الله وهبنيهم بني عم واجنــــــــــاب **** من يوم جيت اعجبتهم واعجبوني
واعجابهم فيني مهو بايت اعجـــاب **** باسلوبي بشرحي بطرحي بلونــي
لو قلت عن نفسي بشر صرت كذاب **** لو قلت دمي من ذهب صدقونـــي
لو بيدهم كان ازرعو دربي اعشاب **** لو بكيفهم يتشبهون اشبهونـــــــي
من كثرماصارومن اطبوعي اقراب **** حتى بلبسة شمغهم قلدونــــــــــي
واجد دعوني واغلقو دوني البــــاب **** وكثار ناس ابكي لهم مابكونـــــي
لو طالو لهدمي مناسيب واطنــــاب **** كانو وغلاتك من زمان اهدموني
مادام حطو فيني اعيوب واسبــــاب **** جنبت عنهم مثل ماجنبونـــــــــي
اصلا لو ان بخوتي شي ينعـــــــاب **** ذبحت نفسي قبل لا يذبحونــــــي
انا يدي لو ماكست متني اثيـــــــاب **** نذرا على اقطع يدي من امتوني
موعيب اجي مدعو ولا اشوف ترحاب **** العيب لو اني رجعت ان دعونــي
مادمت اجي ولا يحسبون لي احساب **** حرمت اروح اذا يبوني يجونـــي


الشاعر حامد زايد

[جبتها ع الجرح]

الشعراء
مابقى الا سود الايام تحرمك الرقاد **** كيف الاوهام اتجرأ اتسريك مغبون
من متى تجزع من الدمع وتخاف البعاد **** من متى تقفي بك ظنون وتجيبك ظنون؟
صرت تاخذ كذبتي صدق، ومزاحي وكاد **** لو بقول اني بخونك تحسب اني بخون
ماتعرف ان كل شاعر يهيم بكل واد؟ **** وانهم دايم يقولون مالا يفعلون؟
ابك انا لاقلت ابنساك وانكرت الوداد **** والله اني مانسيتك وولاهم يحزنون
من جزع من صفعة الشمس يطمع بالبراد ****ومن فقد وجهاته الخمس يلقى بك ركون
اعتبرها هفوة انسان او كبوة جواد **** لو بتسمح فانت غالي ولو تجرح تمون
عد صداتك مروة وطعناتك ضماد **** خلهن لاراحن طعون ولا ردن طعون
خنجرك يستاهل الطعن ومتوني شداد **** ومنك يازين الخناجر ويا بخت المتون
ردلي حنية المزح باحساس الجماد **** خلنا واحد يجي صلب والثاني حنون
موت فيني واندفن فيك بثياب الحداد **** وان حييت أموت لرضاك واحيا بك بهون
مره ارقد بالكفن وانت ترقد بالمهاد ***** ومرة ارقد بالمهد وانت ترقد بالكفون
ادري ان شجونك شجون واعنادك عناد ***** والبلا ان عنادك عناد وشجونك شجون
ربك اللي سخرك لي تقود وما تقاد **** والله الخالق ولله في خلقه شؤون
ازرع ضلوعي من رضاك وابشر بالحصاد ***** لعنبو من جيت ترضيه وترد امحزون
بس تسوالك بلد ؟ قول تسوالك بلاد ***** انت كل العالم بكون ولحالك بكون
مابعد محبتك حب ومرادك مراد ***** غير كونك سيد حشاي تدري من تكون ؟
نعمتين اختصوا الخلق من جود الجواد ***** كافل الأرزاق من حيث مالا تعلمون
البنون ونعمة المال بعيون العباد ***** زينة الدنيا بلا شك في كل العيون
مثل زينة دنيتي بس عندي شي زاد ***** من عرفتك صاروا المال وانت والبنون
انتشي بك نشوة التيه لعناق الرشاد ***** وافزع الك فزعة القرم لشهاب الزبون
واحصنك تحصين الأرزاق عن درب الفساد ***** واعشقك عشق المظاليم لفراق السجون
لو تزيد الشوق جمرة تحولني رماد ***** لو يزيد العشق شعرة بوصل للجنون
خل هقواتك كبيرة ونظراتك بعاد ***** كانك انت بكبرك تهون من اللي ما يهون ؟
ازعلك وارهن حياتي تحت رحمة زناد ***** تهبى لا والله الا انت والموت تهبون
عاد اذا ما ارضاك هرجي ولا اللي قلت فاد ***** اننا لله وانا اليه راجعون
وانت باكر بتعرف على ناس جداد ***** والكلام يجيك من كل شكل وكل لون
لاتحسب ان كل كلمة بتسمعها وكاد ***** ولا تصدق هرج شاعر وتخدعك الظنون
دايم اعرف كل شاعر يهيم بكل واد ***** وان هم دايم يقولون ما لا يفعلون
حتى انا اللي قلت اعشقك وما اطيق البعاد ***** يمكن اطلع ماعشقتك ولا هم يحزنون

الشاعر حامد زايد

[جبتها ع الجرح]

الحلم

بـوقـت مــن الـبطا بليل تـترقص شـياطينه***بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه ***وانـا الـلي مـن تـفارقنا وأنـا ماغمضت لي عين
غـريـبة كل حـلـم يـمـر بـرقادي تـزورينه" "والاغـرب كيف أحـلم الحلم،وارجع واحلمه بعدين
قـبـل يـومين شفتك بـالمنام وقمت مـن حـينه***ونـمت أمـس ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من شرايينه***تـركـته فــي يــدك الأمـانه واحفظيها زيـن
تــرى حـفـظ الأمـانه ديـن مجبورة تـردينه*** أجـل مـافيه أحـد قال لك((حفظ الأمانة دين))
مــرد الـمـقفي بـيـلفي ويستوفي وتـوفـينه***بـعـدلـيـلـه ثـلاثـه أربعه عشره شهر شهرين
إذا انـتـي مـاانتي بـقد الـكلام الـلي تـقولينه***حـرام استامنك حـاجة وإذا جـيت اطلبك تنسين
تـخونين وتبين أرضـى واحد يـرضى تخونينه***أنـا لاجـيت أخـونك،مع حبيبة ثانيه((ترضين))
مـن أول مـارجعت مـن الـسفر ماشفت لك بينه***وأنا اللي كنت أحسبك قبل ادوس ارض المطار تجين
تـكونين أنـتي أول شـخص عـيني تحتضن عينه***وكـنت أتـخيلك مـن زود فـرحة رجـعتي تبكين
وأشـوف بـدمعتك حـكيك وأعرفه قـبل تـحكينه ***واجـيب أحـلى مـن الـلي بتحكينه وأتركك تحكين
تـقـولـيـن الوطن نـور وأقـول بـنورمضوينه***تـقولي لـي غديت أحـلى وأقول عيونك الـحلوين
كـــلام نــام بـشـفاهك وخفتي لاتـصـحينه***ذخـرتـيه لـغـرام لـلي يـنام ويترك تـصحين
تـغـانمتي غـيـابي لين رجـحـتي مـوازيـنه***تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي فيني مـاتلاقينه***مـهو بـغرور لكن خـابرك مـالك أمـل تـلقين
تـغـافلك بـغلا والإ الـحلا مـهو بـمن زيـنه***تزينه الصور بس الصحيح ابن الحلال((زوين))
وأنــا مـاني بـنقاص عـنه يـوم أنـك تـبدينه***نـصيبي هو نـصيبي لـو يـسددها من الصوبين
قـنـوع بـمـظهري والسم مـايـذبح ثـعـابينه ***عـلى قـول الـمثل((ماني حلو..لكني ماني شين))
إذا أهــداك الـزهر مـره،فأنا اهـديتك بـساتينه*** وإذا ألـهاك بـفرح لـيله فـانا تـهت لبكاك سنين
وإذا اسـتـضعفتك أمـلاكـه وشتتك مـلايـينه *** أنـا حـتى فـتات الـخبزة أقـسمها مـعك نصين
طـموحي ،بـس أجـي وأظـفر بـشي تـستحقينه***تـديـنـتـه تـسلفته سرقته مومهم مــنــيـن
كـأني مـن كـثر مـاارضى بـكل الـلي تـمنينه*** لـو انـك تـطلبين الله يـعنيني، بـقول آمـين
أنـا مـاالعب عـلى الـحبلين،وقت الطيش وسنينه***تـبين الـحين يـوم أني كبرت العب على الحبلين
تـرى عـند الـبدو بـالذات((عيب اللي تسوينه))***حـلاتـك لاعـشـقتي تعشقيني لـيـوم الـديـن
غـرامٍ نـسكن ضـلوعه حشيمه مـن مـجانينه***جـفـا،يجمع مـعـزتنا ولاعشق يــذل أثـنين
كـثـار الـلـي تـحـدوني وقـالـولي تـحبينه***امـانـه..لاتخليني صـغـير بـعينهم ((تـكفين))
لانـــي كــل مـاقـالوا((تخون)) اقول مسكينه***عـلـيك الله وأمـانـه علميهم مـنـهو الـمسكين
أنــا خـايف(لياطاح الـجمل تـكثر سـكاكينه)***وأنـا مـاعاد بـضلوعي مـكان لـطعنة الـسكين
مـثل مـاقالوا(المكتوب واضـح مـن عـناوينه))***لـو ارحـل مـنك للغربه بسافر من ظلامك وين
كـفـايه كل حـلـم يـمـر بـرقـادي تـزورينه***كـفاية من تـفارقنا وأنا مـاغمضت لـي عـين
قـبل يـومين شـفتك بـالمنام وقـمت مـن حـينه***ونـمت أمـس ورجع نـفس الـمنام اللي قبل يومين

الشاعر حامد زايد

[عبدالهادي المفرج التميمي]

ما شاء الله اخوووووووي

والله وجبتها على الجرح صح

صح لسانك ولساااان الشاعر

مشكور على هالاختيااااااااااااار




سلام

[عين السيح]

قبلت صلاة وذكر وخشوع وكتاب **** وامي على سجادة النور دونــــــي
تدعي لي الله يفتح بوجهي ابـــواب **** تتوسله بالشدة يكون عونـــــــــــي

صح لسانك على هذا الاختيار المتميز

[الشـ ذيب ـوكي]

قصيدة جميلة وشيقة

واختيار من شخصية نادره مثلك

شكرا لك على القصائد يالغالي

[الصلبوخي]

صح لسانك ولسان الشاعر

الله يعطيك العافية اخي جبتها ع الجرح

كل الشكر والتقدير

[صياد الضبي]

وعليكم السلام ورحمة الله وبركاته

بارك الله فيك اخي الكريم

وفيت وكفيت

تسلم

قصيائد روعه بكل ما تعنيه الكلمة

كل الشكر والتقدير لك

[معدي المرقاب]

وعليكم السلام ورحمة الله وبركاته

بارك الله فيك اخي الكريم


مشكوووووووووووور

[الفحيحيل]

ياسلام عليك يالطيب الله يبارك فيك