( إلي زوجتي الغالية )

[عبدالمحسن الرحمه]

الركام شاعرنا القدير ياهلا والله مليون
وينك يالغلا ما نشوف اشعارك مشتاقين
على العموم صح الله ابدنك

[تناهيد]

صح لسانــكـ
والله يعطيك العافيه
ربي يخليها لك ويسعدكم

[عبدالمحسن الرحمه]

تناهيد ياهلا والله مشرفتنا الموقرة
اطلالة اشرافية رائعة كل الود
والاحترام لكي وصح الله ابدنك

[عبدالمحسن الرحمه]

رسمت أنا لوحة غلاها بصدري
ألوانها حبي وشوقي كساها
هي لذة أيامي حياتي وعطري
قلبي لها موطن عساني فداها
قربت أنا دلة غلاها لجمري
في ليلة ٍقمرا يزين سماها
دنيت أنا فنجال حبي وتمري
صبيت من دلة غلاها حلاها
ركيت أنا كوعي أفكر بعمري
في حسنها سبحان منهو عطاها
كن المحاني وكر والشوق صقري
أهده ابحال اشتياقي نصاها
أنتجت لك مشهد مميز وحصري
قصة مودتنا بطلها غلاها
ياروعة إحساسه تغناه شعري
كله على شانك يلامس رضاها
يازين لقياها على جال نهري
نجلس وتاخذني سوالف معاها
حبي لها في داخل القلب عذري
حاير وتايه ياهلي في هواها
شبه الوله قرطاس والودّ حبري
أكتب لها جزل المعاني حواها
ناحت لك أشواقي مثل نوح قمري
في موطنك روحي تلاقي دواها
لبيه يا جوّ المحبين يغري
صرت المتيم ما تعدا حماها
مديت لك ياغلا المحبين جسري
من شان قلبي لا دعاها لقاها
واريت ضيقاتك بعدهم بقبري
من خافقك واقول يقطع مداها
حبه يسامرني بسري وجهري
روحي تعذب أحسن الله عزاها
بانيت له في داخل الجوف قصري
راقي يناسب يا هلي مستواها
ياسرع وقتي مع غلا العمر يجري
حتى الليالي مسرعة في خطاها
بدري عليكم ياهلّ الحسد بدري
زرع الفتن محصولها في رحاها
في قربها دايم بمدّي و جزري
إي والله أسعى دايم ٍ في رضاها

[غانم الضومري]

اضافات زادت القصيده جمالا


تستاهل التصميم واحلى البراويز ..!

تحيتي

[عبدالمحسن الرحمه]

المشاركة الأصلية كتبت بواسطة غانم الضومري

اضافات زادت القصيده جمالا


تستاهل التصميم واحلى البراويز ..!

تحيتي

شهادة اعتز بها طال عمرك

[كمال البدور]

صح لسانك اخي الحبيب
وصح لسان كل واحد شاعر
حفظكم ربي لبعض وادامكم ذخرا" لامتكم
اجمل ما في الحياة امرأة صالحه
تحياتي للكل

[عبدالمحسن الرحمه]

المشاركة الأصلية كتبت بواسطة كمال البدور

صح لسانك اخي الحبيب
وصح لسان كل واحد شاعر
حفظكم ربي لبعض وادامكم ذخرا" لامتكم
اجمل ما في الحياة امرأة صالحه
تحياتي للكل

ياهلا والله فيك مراقبنا العزيز
الله يديم عليك نعمة الصحة
والعافية صح الله ابدنك

[سمو المشاعر]

صح لسانك اخي عبد المحسن
جميل ما سطرت وفاء مميز وفقكم الله في خير ورزقكم الله الذرية الصالحه

تحيتي

[عبدالمحسن الرحمه]

المشاركة الأصلية كتبت بواسطة سمو المشاعر

صح لسانك اخي عبد المحسن
جميل ما سطرت وفاء مميز وفقكم الله في خير ورزقكم الله الذرية الصالحه

تحيتي

ياهلا والله بالشاعر المميز الله يجزاك خير على هذي الاطلالة
الرائعة كل الود والاحترام وصح الله ابدنك