من راح من كيفه وكيفه يوديه

[ابو سلطان العتيبي]

السلام عليكم ورحمة الله وبركاته



من راح من كيفه وكيفه يوديه
خله على كيفه وكيفه يجيبه)

بيتٍ سمعته ويقضتني معانيه
تشوف فيه المخطيه والمصيبه

حبكه وسبكه غير من غير مافيه
ولاهي على بعض الاودام غريبه

لكن عليّ مخالفه في مباديه
في مذهبي ياهل المعرفه صعيبه

المقفي اقفى عنه لو كنت باغيه
مالي على المقفين حق وغصيبه

تضيع في بعض الوجيه المشاريه
لو الضلوع من المحبه عطيبه

والله مارد النظر فيه وارجيه
لو عاد لي جنبت انا عن شعيبه

الصدق ممشايه وعقلي مقديه
عن الدروب اللي تعود معيبه

من باعنا برخيص ياكيف نشريه
سوال واضح والاجابه قريبه

اللي غدا بالقايله من مواريه
ياكيف يلقى عند ربعه ذهيبه

ياقرب والله ياجماعه مساريه
ليا صار ماله بالنجيبه نجيبه



عبدالله الهقاش

[أبوهليبه]

بيض الله وجهك على الاختيار ،،،

وصح لسان الشاعر الهقاش ،،،

[أبا محمد]

صح لسان الشاعر عبدالله
وبارك الله فيك على الاختيار ياأبا سلطان

[Al-KHUSHAIBY]

بيض الله وجهك على الاختيار الرائع

[ابو سلطان العتيبي]

المشاركة الأصلية كتبت بواسطة أبوهليبه

بيض الله وجهك على الاختيار ،،،

وصح لسان الشاعر الهقاش ،،،

المشاركة الأصلية كتبت بواسطة أبا محمد

صح لسان الشاعر عبدالله
وبارك الله فيك على الاختيار ياأبا سلطان

المشاركة الأصلية كتبت بواسطة Al-KHUSHAIBY

بيض الله وجهك على الاختيار الرائع

لا هنتوا جميعاً
وبيض الله وجيهكم
ودي واحترامي

-

[ام الدانه]

المقفي اقفى عنه لو كنت باغيه
مالي على المقفين حق وغصيبه

تضيع في بعض الوجيه المشاريه
لو الضلوع من المحبه عطيبه

والله مارد النظر فيه وارجيه
لو عاد لي جنبت انا عن شعيبه
اختيار جميل لك جزيل الشكر وصح السان الشاعر

[ابو سلطان العتيبي]

المشاركة الأصلية كتبت بواسطة ام الدانه

اختيار جميل لك جزيل الشكر وصح السان الشاعر

ياهلا ويامرحبا بأختي ام الدانه
نورتي المتصفح بمرورك العطر
تحيتي لك يالغالية

-

[محب العيص]

صح لسان شاعرها وتسلم يمين ناقلها

[ابو سلطان العتيبي]

المشاركة الأصلية كتبت بواسطة محب العيص

صح لسان شاعرها وتسلم يمين ناقلها

يمينك سالمه يالغالي
اشكرك على مرورك
-

[سراب]

تسلم يمينك وكلك يابوسلطان
قصيدة قل ما اقول عنها جزلة
رائعة جدا وصح لسان الشاعر