لا يضيق الصدر يالقاف الحزين

[عبدالمحسن الرحمه]

‏‏لا يضيق الصدر يالقاف الحزين
وسع الخاطر وعطني وش بلاك
لك ثلاث أيام من وضعك رهين
حتى هوجاسي على بابك رجاك
عطني كفك نسلك الدرب اليمين
نبدع ابطرق ن يناسب مستواك
الصداقه كنها الكنز الثمين
حب بين اثنين لأعطيته عطاك
يدرس أفكارك وله راي ن سمين
هو حزامك كان به هم ن طواك
يسألك والحب في قلبه مكين
يا صلك بالمال ما يقطع عراك
بالفعايل ما هو ابكثر الرطين
ييدك بالحق لو تخطي نهاك
مايروح بعيد يجذبه الحنين
لا تفرط فيه تتحقق مناك
اشتر الطيب وهو نعم المعين
لو نسيته يارفيقي مانساك
الوفاء لب الصداقه يالذهين
لو يطول الوقت مايبحث خفاك
باقي ن مهما يطولن السنين
لو يدور الوقت مادور سواك
الوفاء مثل المطر في كل حين
والصداقه ترتوي يسعد مساك
والوفاء متبادل ن بين الثنين
حي من يدمح على العليا خطاك
به تطيب النفس مابه كلمتين
بالرخا وإلا القسا دايم معاك
كان تبغى الخير للناس أجمعين
قلبك أبيض بان هذا من نباك

[أبو سيرين]

الله الله يا عبد المحسن

قصيدة جميلة جداً مبدع كعادتك

تحيتي وتقديري

[عبدالمحسن الرحمه]

المشاركة الأصلية كتبت بواسطة أبو سيرين

الله الله يا عبد المحسن

قصيدة جميلة جداً مبدع كعادتك

تحيتي وتقديري

ياهلا ب مشرفنا الغالي حياك في متصفحي
وصح الله ابدنك

[عابر سبيل]

لله درك يانبع الجزااااله
صح لساااانك يالقررررم ،،،

[سحاب شقراء]

جزله من جزل ماشاء الله تبارك الله

[عبدالمحسن الرحمه]

سحاب شقراء ياهلا والله شاعرنا القدير
صح ابدنك والجزلة هي عنوانك وحنا طلابك

[عبدالمحسن الرحمه]

عابر سبيل ياهلا فيك مليون
وصح الله ابدنك

[رذاذ]

المشاركة الأصلية كتبت بواسطة عبدالمحسن الرحمه

‏‏لا يضيق الصدر يالقاف الحزين
وسع الخاطر وعطني وش بلاك
لك ثلاث أيام من وضعك رهين
حتى هوجاسي على بابك رجاك
عطني كفك نسلك الدرب اليمين
نبدع ابطرق ن يناسب مستواك
الصداقه كنها الكنز الثمين
حب بين اثنين لأعطيته عطاك
يدرس أفكارك وله راي ن سمين
هو حزامك كان به هم ن طواك
يسألك والحب في قلبه مكين
يا صلك بالمال ما يقطع عراك
بالفعايل ما هو ابكثر الرطين
ييدك بالحق لو تخطي نهاك
مايروح بعيد يجذبه الحنين
لا تفرط فيه تتحقق مناك
اشتر الطيب وهو نعم المعين
لو نسيته يارفيقي مانساك
الوفاء لب الصداقه يالذهين
لو يطول الوقت مايبحث خفاك
باقي ن مهما يطولن السنين
لو يدور الوقت مادور سواك
الوفاء مثل المطر في كل حين
والصداقه ترتوي يسعد مساك
والوفاء متبادل ن بين الثنين
حي من يدمح على العليا خطاك
به تطيب النفس مابه كلمتين
بالرخا وإلا القسا دايم معاك
كان تبغى الخير للناس أجمعين
قلبك أبيض بان هذا من نباك

عبـدالمحــسن

لي عادةً مع أحرف قصائدك ،،
تروق لي ،، بل أعشقها ،،
تبعثر كلّ مابي بشجونها وأتعمّـقُ إلى حد الجنون معها ..
مُبدعٌ أنت وأكثر ..
تكتبُ أحرفك بمداد أحاسيسنا ومشاعرنا ..
حتى أسرتنا بها ...
فلاحرمنا الله من جميــل ماتكتب
،؛،

لك من الودّ ماصفا له القلب


رذاذ

[عبدالمحسن الرحمه]

شاعرتنا الموقرة رذاذ
ما أجمل حضورك يثري على
متصفحي الشي الكثر
أعجز اجاري حروفك العطره
صح ابدنك

[الركام]

صح لسانك ياعبدالمحسن قصيدة جميلة