يوم اسلم عليك و لا ترد السلام ،،،، فهد المفرج

[فهد المفرج]

[align=center]
يوم اسلّم عليك و لا ترد السلام
موقفٍ منه عيني هلّت دموعها

التكبر جهاله و التغلي حرام
عز نفسك عن الجهال و طبوعها

تحسب اني بخير و كل شيٍّ تمام
ما دريت ان حالي يبست فروعها

اسهر الليل لجلك و انت عينك تنام
ويش ذنب العيون تكمّل اسبوعها

خف من الله و عالج لوعتي و الغرام
اشغلتني عيون الناس و سموعها

ما بقى الا شهر و يهل شهر الصيام
غيبتك عن عيوني ويش موضوعها

وش جزا الحب و التقدير و الاحترام
اضبط الحسبه اللي ضاع مجموعها

لا تزيد الكلام و لا نزيد الكلام
و لا تلوم الذياب ليا اشتكت جوعها





[/align]