ناقة عريمان

[أبو راشد]

كنت مسافر في احد الايام الى المنطقه الشرقيه ووقفت في احدى محطات الوقود على مشارف مدينة الرياض وخلاال وقت التزود بالوقود لمحت شاب واقف عند مخرج المحطه
ولبسه لبس المجندين ( اصلع الرأس ) وبيده شنطة سفر ,,
عرفت انه يريد الذهاب لاهله في اجازة الخميس والجمعه وكان يوم الاربعاء سفري
ومن ثم العوده الى الرياض قبل يوم السبت ,,
الشاب كان يحاول جاهدا ان يساعده احد المسافرين في ايصاله الى ( مفرق الديره )
ولكن لا احد يريد الوقوف
بعد ماحاسبت عامل المحطه ..
مريت على كوفي شوب وطلبت ( انقلش تي ) << وش دخل الجمله ذي بسوالف الاولين
على فكره ( جو فريز ) افضل كوفي شوب في عمل الشاي الانجليزي << دعايه لهم

نرجع لموضوعنا بعد اللفه الي صارت

قررت اني اوصل هذا الشاب معي مادام انه على طريقي
مريت بجانب الشاب ,,,,

وقلت : ( وين ياولد )
قال : معك قدام ابي خريص
قلت : انا رايح للدمام بس بوصلك لحد المفرق وانزلك
قال : ماقصرت ينتظروني اخواني هناك على المفرق

الرجال فتح الباب حط اغرضه وركب معي وبدت السوالف << يضيع الخط بالسوالف

سالني : من أي القبايل انت ؟؟
قلت : ( تميمي ) وأنت ؟؟؟
قال : ( سبيعي )
سالته : وش اسمك ؟؟
قال ( عريمان )
قلت : وين ناقتك
ضحك الرجل
وقال : تراه ( جدي ) وانا مسمى عليه
قلت : اجل هو راعي الناقه اللي يقولون : ان قامت مابركت وان بركت ماقامت
قال :ايه هو وانا اعطيك قصتها
قلت : سم
قال : سافر جدي للطايف وكان عنده هالناقه اتعبت القافله اللي كانت معهم لانها اصبحت ثقيلة الحركه بعد كبر سنها واذا بركت على الارض استغرقت وقت طويل حتى تقوم وتكمل المسير وان قامت يصعب عليها الجلوس << مشكله بالركب

فكان هذا المثل المشهور الذي يطلق على بعض الاشخاص بقولهم

( انت مثل ناقة عريمان ان بركت ماقامت وان قامت مابركت )


هذي قصة المثل نقلتها لكم من حفيد ( عريمان ) بتصرف ,,

منقول