(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

من اللي يبا يقنعك وإلا تصدق من
بكذب الظنـون اللي لك ايام شايلها
،
إذا كنت متعود تعامل بسوء الظن
حروف السلام تشك في قصد قايلها
،
#عبدالله_الطلحي

[بقآيآ .. حرف]

شهرة الي لا ( هويه ) ولا سترة نجاه
مالها ( قيمه وشيمه ) . دعايات ورياء
.
لا تجرد من ثياب الحيا لجل !! الحياه
كافح وخل الك مبدا وفي وجهك حياء
.
#متعب_مرزوق

[بقآيآ .. حرف]

لا شفت أحد طاح لا ترمي سكاكينك
الوقت دوّار لا تشمت ولا تضحك
بكرة إذا طحت والدمعة ملت عينك
بتشوف منهو يجي يضحك على جرحك

[بقآيآ .. حرف]

بيض النوايا باقيه داخل الجوف
والا الرضا للناس ماني زبـونه
يالله توفقني على الطيب واشوف
خذلان حاسد طيبتي فـــي عيونه

[بقآيآ .. حرف]

يقتلني الشوق للي صار تحت الثرى
عقلي رضا بس قلبي مايعٓرف النصيب
الوقت دوّار ليت الوقت يرجع ورى !!
والله ماأخليه لحظه عن عيوني يغيب ..

[بقآيآ .. حرف]

لا تظن الناس : تحزن .. ليا منّك : فرحت
ولا تكبّر حجم نفسك .. وتعمل لك : صدى
'
كثرة الأعداء .. ماهو دليل .. إنّك : نجحت
يمكن إنت : إنسان مكروه ، وتحبّ الردى !

[بقآيآ .. حرف]

ماعاد والله باقي فـ خاطري شيّ
عفت المجامل واهتويت الصراحه
وعزلت روحي حروة اسبوع وشوي
واونست في بعدي عن الناس راحه

[بقآيآ .. حرف]

ياوجودي وجدمن شاف من ظلم اقرباه
مايزيدجروح صدره وطعنات ظهره
.
ان تكلم راح يبحث على العالم خفاه
وان سكت نفسه على الظيم ماهي مصبره

[بقآيآ .. حرف]

قالو لي أنسى تواجه لك جبل ما يطيح
قالو لي أرضى بواقع يستحيل الرضا
-
طيرك جزاه الهدد لكن جناحه جريح
طافه هداد الحرار اللي تحوم الفضا
-
تو أنتصفت الطريق ومنبع الما شحيح
أعتق ظما قلب ً ظلوعه تشب الغضى
-
مفالي العمر لو تنبت "خزامى وشيح"
ما ردنا " للعضاه " .. إلا القدر والقضا

[بقآيآ .. حرف]

من كلّما الصمت يفتح باب ويصكّ باب
نذرت لك صوت في حلق التعب منزوي

رحلت .. والروح تلبس من ثياب الغياب
" وحشة قرى " فاتها يوم المطر ترتوي