حالة الصقار .!. طالبك ياسعود تدويره

[غانم الضومري]

حالة الصقار .. طالبك ياسعود تدويره
..
.

ياسعود حالي كما الصقار
اللي لفى ما لقى طيـــــره

نشد عن الطير قالوا طار
شلّع عقب ما فلت سيره

قام يتــلّــدد عن الاعذار
اللي لفــت من مداويره

مهما تنشد عن الاخبار
مافيه أمل يالله الخيــره

أونس بقلبه لهيب النار
إنهار.. وانشل تفكيــره

ياطير لا تبيــــح الاسرار
راع الولع صعب تصبيره

خليتني بالخــــــــلا دوّار
وزوّدت في نفسي الحيره

عيفتــني لــذّة المسيــار
وكرّهتني شوفـــة الديره

أزريت لا اكمل المشوار
وحيـــد ما عندنا غيـــره

ياسعود يافزعة المحتار
أرجوك ياطيب السيره

أرجوك ياعالي المقدار
طالبك ياخوك تدويره
.
..

تحيتي وتقديري
)
(
غانم الضومري