خابرٍ قلبي على الصدّه شجاع .. غير في لحظات تلويح الكفوف

[سفير الحيا]

لِلْشَاَعِرْ: أَحْمَدْ جُوْفَاَنْ اَلْعَجْمِيْ

اكره اللحظات .. لحظات الوداع .!
........... تسكت وعينك , لها بوح الحروف .!
وإن خفيت الحزن , قدر المستطاع
........... ماقوت ساقك .. على طول الوقوف .!
ولا يعل القلب .. ف/آخر اجتماع
........... غير تدري ما ورا الصده , نكوف .!
وانت يامرخي على البُعد , الشراع .!
........... لا تسلم فرحتي , كف الصدوف .!
ولا تقول إن مالحزني , أي داع .!
........... جرب الفرقا معا حالك .. و شوف .!
الهجر موجع .. وللبعد إنطباع
........... يتركك مابين ضيق , و بين خوف .!
كل شي أحبَه بدنياي , ضاع
........... وكل ذكرى صعب لا مرت , تطوف .!
لا توردني على .. حد الضياع
........... ولا تخليني , تحت حكم الظروف .!
خابرٍ إن قلبي على الصدّه .. شجاع
........... غير في لحظات , تلويح الكفوف .!
طالبك , لامن قرب .. يوم الوداع
........... لا توادعني .. و انا عيني تشوف .!