من روائع الشاعر خليل الشبرمي قصيدة يا سعد وش شاف مجنون ليلى بالغرام

[هميلان]

يا سعد وش شـاف مجنـون ليلـى بالغـرام = اشـهـد انــه وان بِـلِـي بلـوتـه يــا هـونـهـا
يـا سعـد لـيـلاه وان مــات فيـهـا مستـهـام = تــدري انــه بالـهـوى يــا سـعـد مجنونـهـا
المصيبـه مـن غــدى مـيـتٍ لــه كــم عــام = عشقـتـه مــا تــدري انــه قـتـيـل عيـونـهـا
قـرهـدت نفـسـه عليـهـا ومــرّ الـكـبـد زام = ودوك قلـبـه يــا سـعـد مزّعـتـه اطعـونـهـا
ويا سعد والله يالولا الولي واخشى الملام = والـقـرابـه والـحـيـا والـهــوى وجـفـونـهـا
لا انهبه وانحاش واجلى جنـوب ديـار يـام = مـا يـردن لـو وقــف جـيـش هتـلـر دونـهـا
ويا سعد راع الهوى بالهوى لا ضيم شـام = مـــا يـــرده طــــول بيـبـانـهـا وحـصـونـهـا
وان غوى راع الهوى في هواها ما يـلام = اجتمـع غبـن الزمـن يـا سعـد وغبونهـا
ويا سعد والله فـلا اسلـى هواهـا لا حـرام = لـو يـلـوح الشـيـب فــي لحيـتـي وقرونـهـا
ويا سعد خذ وصاتـي وصلّـه بنـت الحشـام = ذي وصاتـي كـان غيـري غـدى مظنونـهـا
لا شرت ثوب الفرح تشتري لـي بـاع خـام = يـدفـنـونـي لـيـلــة الــعـــرس ويـزفـونـهــا