مشتاق للمحاورة : سارع قبل الحذف

[مزن البرد]

مايكره الخمار شـــــــراب الخمر
والبوم ما تعطى الحرار اوكارها

صار الثعل تال الزمن مثل النمر
والقوم دونه قاصــرات اشبارها

[سمو المشاعر]

صحت السنتكم على الإبداع شاعرين جهبذين
مافيكم حيله استمتعنا بما سطرهنا لاهنتم

[وقاد]

زمـاننا مـتـلـخبـط وضاع الامر
تخـالـطـت غـربانها واحرارها

والبيض ما تفقرها عن السمر
اللـيـل ولـع وانتشى بانوارها

[مزن البرد]

زرعن سقيته عام ماجاله ثمر
والنار خامد جـمرها بوجارها

بنيتها ثم جـــيت تـدمرها دمر
وامطر مطرها مانبت نوارها

[راع العرض]

صحت ألسنتكم واصلو وحنا نتابعكم

[وقاد]

مزن البرد ليتك على زرعك تمر
ومنهو سبب خرابها ودمارها

ياصاحبي ما جيت لك زرع وجمر
ولا قربت المزرعة واسوارها

[مزن البرد]

صح لسانك وقاد استمتعنا بمحاورتك

[وقاد]

صح لسانك وبدنك....
تشرفت بمحاولة مجاراتك واعذرني على التطفل ....

[رذاذ]

صحّت ألسنتكم شعرآءنا
مزن البرد .. وقآد
على هذه المحاوره الجميله
كلاكما مبدعيين ..
~

وقاد .. أنت شاعر جزل
ونطمح للمزيد منك .

رذاذ

[وقاد]

المشاركة الأصلية كتبت بواسطة رذاذ

صحّت ألسنتكم شعرآءنا
مزن البرد .. وقآد
على هذه المحاوره الجميله
كلاكما مبدعيين ..
~

وقاد .. أنت شاعر جزل
ونطمح للمزيد منك .

رذاذ

شهادة اعتز فيها ..شكرا لك