بس الجدي وأسهيل

[نخيلان]

لاهنت على الابيات اللي تفتح النفس حقيقها دخلت معك جو غريب وحلو

وياماحلى ياصـرت بفيـاض وأفلـوق =في خايعٍ تشوف الدبـش فـي شنقهـا


فـي خايـعٍ كلـه نواويـر وعنـوق =وبـه أم سالـم ربعـت مـع سمقهـا


أرضٍ خلا وريح الهواء ريح زملـوق =عطر الخزامـاء والقحـاوي سرقهـا


وشبيت نارك وأظلـم اليـل بعمـوق =فـي عثعـثٍ باليـل يسنـا شعقـهـا


والياحمست البن وبـا لنجـر مدقـوق =لـه دنـةٍ ياصفـوق صوتـه سبقهـا


له ذوق والفنجال ينعش علـى الـذوق =يبعـد غثـى نفـسٍ تزايـد زهقـهـا


من دلةٍ فـوق الجمـر تقـل غرنـوق =هـاذي يقلطهـا والأخـرى فهقـهـا


ويظلم ظلام اليـل ماتشـوق مخلـوق =الا الجـدي وسهيـل يوضـي شفقهـا


بعيد عن النمات وعـن كـل مطفـوق =و راع النوايـاء السيئـه مـع رفقهـا