متابعة الطقس من 18 - 29/ 6 / 1431 هـ الموافق 1 - 12/ 6 / 2010 م

[الركام]

الصيف له حل وله وقت معلوم

لا واعـذاب اللي شكى قلـت الـنـوم == راح الـبراد ولابقى الا المكـيّف

راحت حراوي شوفت البرق وغيوم == و لا بقى الا شوفـته للـمصيّف

وراح النسـيم وحـلت رياح وسمـوم == ولا احد سلم سمين والا نحيّف

طول علينا الوقت وزداد بهموم == نرقب طـلوع سهـيل لوهو يصيّف

واللي معه دنيا فلا هوب محروم == يسافر ولا يبقى سوى ذا الضعيّف

بعض العرب مهوب يقدر على السوم == حتى المكيف صار عنده كليّف

وان كان زاد الحـر وافـق بعـد صـوم == فصبر على حره بجسم رهيّف

والصـيف له حل و له وقـت معـلـوم == يزيد عـن اربع شـهـور ونـيّف

لا واهـني الـطــير ليمـن بغـى يحـوم == يقـوله اللي اخـر اسـمه خريّف

الركام