نشـدت عنـك نجـوم نجـد ونسيمـه=ومن ساطع القمراء تحريـت الاخبـار

[رشيد الهديرس]

*


[poem=font=",6,orange,bold,normal" bkcolor="black" bkimage="" border="none,4," type=0 line=1 align=center use=sp num="0,black""]
نشـدت عنـك نجـوم نجـد ونسيمـه=ومن ساطع القمراء تحريـت الاخبـار
ونشدت عنك مع السمـاء كـل ديمـه=ورحت استشف العلم من همس الازهار
ومريـت بطـلال القصـور القديمـه=اللي بها سجلـت انـا وانـت تذكـار
انـشـد وادور والاجـابـه عديـمـه=لاصـوت جاوبنـي ولا دار ديــار
ورجعـت ازايـم عبرتـي والهزيمـه=مكسور خاطر بالـغ الحـزن منهـار
ضاق الفضاء واصبح بعينـي خريمـه=ماشـوف لـي معهـا بليـاك معبـار
ويـن انـت ياتـوم الحيـاة اليتيمـه=فوق الثـرى ولاعليـك الثـرى ثـار
كان انت حي وفـي ظـروف سليمـه=عزالله انك جرت يـوم الزمـن جـار
ماتدري ان الهجـر ظلـم و جريمـه=وان الجفاء في حق راع الوفـاء عـار
وكان انت ميـت فالمصيبـه عظيمـه=الدمع مايكفـي ولـو صـب مـدرار
ياللشـقـاء ياللقـهـر والهضـيـمـه=ياللعذاب اللـي بـداء معـي مشـوار
تصبـح حياتـي كلهـا دون قيـمـه=ونور الامل في ناضري ينقلـب نـار
[/poem]



للشاعر المتميز والقدير خضير البراق العتيبي

[عبدالمحسن الرحمه]

ورجعت ازايم عبرتي والهزيمه =مكسور خاطر بالغ الحزن منهار
ضاق الفضاء واصبح بعيني خريمه= ماشوف لي معها بلياك معبار
وين انت ياتوم الحياة اليتيمه =فوق الثرى ولاعليك الثرى ثار

صح السان الشاعر وصح ذوقك الرائع بارك الله فيك

[وبل المطر]

صح لسانك ولسان من قال

[ابوالجازي]

الله اكبر
خانتني العبره وانا اقرى القصيده
من اروع قصائد الفراق
بيض الله وجهك يا رشيد الهديريس
وصح لسان الشاعر خضير البراق العتيبي على هالدرر
يا مال الجنه

تم نسخها وحفظها

[الركام]

صح لسانك ولسان الشاعر اختيار جيد بارك الله فيك

[رشيد الهديرس]

هلا وغلا بكم ومشكورين ياالوافين