اقتباس:
المشاركة الأصلية كتبت بواسطة الخيالي
ما شاء الله عليك رحال
رحله موفقه
اشكرك على التقرير المميز والرائع
بس الله يهديك تجي للزلفي ولا تقول امر واخذ عنده فنجال قهوه <<< لكن يالله مقبوله بس عليك حق معك رقم جوالي مالك عذر
مره اخرى اشكرك
تحيتي لك
|
هلا والله بالخيالي
وشاكر لك الرد والمرور
والله الود ودنا إنا مآرين عليك ومتفنجلين عندك لا ربك ما رآد
والجايات أكثر بإذنه تعالى
أبشر والله بالحق (كم حق تطلبنا)
لكن وعد مني إن ما نسيت المرهـ الجايه بننصاك يا خلفهم
اقتباس:
المشاركة الأصلية كتبت بواسطة ابو مشعل
وعليكم السلام ورحمة الله وبركاته
تقرير وافي وشامل بيض الله وجهك وتسلم يديك
لكم مني اجمل تحيه |
ووجهك أخوي أبو مشعل
والله يحييك ويسلمك على الرد
اقتباس:
المشاركة الأصلية كتبت بواسطة المهند
وعليكم السلام ورحمة الله وبركاته
عاد أنت يالمهند بمخمخ على ردك أخوي رحال ... تغيب شهر ... وتجي ومعك درر ...
هذاك قلتها وأرجع بدرر يآخي ودي بالمواضيع وعندي شيء واجد بس ما ودنا نغثكم والشيء الثاني عندنا مشاكل مع الإتصالات بالحارة
أجل واحد مشترك بسرعة (4)ميقا من ست شهور والسرعة عندهـ ما تعدى (5)كيلوبايت والبلأخير يقولون المنطقهـ ما يدعمها الدعم الفني عساهـ دعمهم ما نبيب قايلهـ ويومن إنكم تلهطون الفلوس ليش ما علمتونا
الله يعطيك العافية على هالجولة السريعة كبطئ تنزيلك للتقرير ...!!!
مثل ما قلت لك بالرد هذا اللي مسبب لس المشاكل والبطئ لكن تحملنا أجل كل بين رد ورد نصف ساعة ... ماصارت هذي ... الأرنب احترق على الجمرية وأنت تقول أصبروا .. لا أحد يرد ...
تخيل إن الطبخ على وقت التنزيل كان الله يخلف إلى الحين صايمين
الله يعطيك العافية(الله يعافيك) على هالتنقلات والأجواء والمواقع والتغيير الجغرافي والمناخي ...
من البحيرات المائية(الكسر والداحورة) ... إلى الآثار القديمة(مصسعهـ+منيزله+المندسهـ+أبو طرفات) ... مروراً باستراحة للراحة(طريق علقهـ) ... وخروجاً إلى الدهناء الرملية(محصام) ... ثم الدحول الصلبــــــــية(ابو حصاة+ابو الكبود+العريض) .... لكن حرمتنا من شوفة الريضان الصمانية ...!!(وش دعوهـ يالمهند ما قريت زين التقرير بينت إن الريضان والفيافي اللي بطريق العودة لم نجد بها شيء يذكر وإن الربيع مولي ومقفي وأرضها ما بها شي معنا ما رينهن قبل شهرين كانن من أحسن الريضان بالصمان مثل المغاطية وام الهشيم وروضة عبدالرحمن وغيرها اللي مريناها وما فيهن شيء وصحيح إنه ذكر لنا أم المصرآن وشقرآن لكن الوقت لم يسعفنا لأن فيه واحد مقروص ـ ـكلهـ من هالضب ـ واستعجلنا بالرجعهـ للرياض
وبيض الله وجهك ...ووجهك أخوي
والحمدلله على السلامة ... الله يسلمك من كل شر
|
التقرير كوم والرد عليك كوم هههه
مشكور يالمهند على المرور والرد
الله لا يهينك ولا يخلينا منك
2009-05-20, 12:07 AM
العرض المتطور
