سمك مقلقل على الصاج 00 فطور بالبر مايحتاج

[طير ماوان]

السلام عليكم ورحمة الله وبركاته
طبعا أعرف ان مقلقل السمك وخاصة سمك السلمون غريب على أهل البر حبتين ولكن هذا اللي حصل
ففي إحدى كشتاتنا الأخيرة جربنا مقلقل السلمون وللأمانة شيء لايمكن وصفه لامن الطعم ولا الفائدة
والسلمون سمك يعيش في الأنهار( يعني لاتدورون بالأودية والشعبان) لذلك تجدونه في الهايبرات الكبيرات مثل جيان أو بنده يأتي من أوروبا مجمد
وعلى فكره يوجد في السلمون زيت الأوميقا من أنفع وأصح الزيوت وفوائده كثيرة
وأنا بعد ماجربته كم مرة سميته (نعيمي السمك) لأن فيه هبر لحم وطعم لامثيل له <<الله يعين الجوعان
المهم علشان ماطول عليكم حبيت أوريكم الطريقة بالصور من البر
وهو يصلح للبيت وللبر وسهل ولذيييييييييييييييييييييييييذ
أولا المقادير
1- بصلة أو بصلتين أو ثلاث أو تدرون حسب الأشخاص كل شخص بصلة علشان مايزعل أحد
2- فلفل أخضر حار أو بارد حسب الرغبة
3- ثوم حسب الرغبة
4- بهارات وملح
5- زيت زيتون
6- شرائح هبر من سمك السلمون ياحبي له
7- رمث وطلح وهذولي تراهن حطب مايوكلن :h73:
الطريقة
أولا إذا كنت بالبر تقوم الفجر وتصلي وتشب النار وتضبط القهوة والشاهي

ثانيا بسم الله تقطيع الكشنة
طبعا حنا بالبر ناخذ راحتنا بالثوم كل وجبة كيس

وهذي الكشنة جاهزة

والآن تقطيع السلمون بعد إزالة الجلد طبعا

أصبح كل شيء جاهز تقريبا الآن

وهذي المقرصة المقلوبة أقصد الصاج لايصجوننا

نحط زيت الزيتون وبعض البصلايات

الآن إضافة السمك

ثم التحريك والتقليب بسرعة وهو ضروري في البداية حتى يكون بهذا الشكل

بالإمكان إضافة شوي زيت زيتون وتركها على النار وتروح تاخذ لك فنجال وسولافة قصيرة مع الربع

ثم نعود للتقليب

الآن إضافة ملعقة بهارات

ثم الملح حسب الرغبة

تحريك وتقليب لمدة عشر دقائق على الأقل وزيادة النار قليلا إذا لزم الأمر

تسخين الخبز فقد بدأ العد التنازلي ويفضل يكون واحد واقف جوعان وطايرتن بوهته

وبكذا يكون المقلقل استوى يتضح ذلك من اللون والرائحة الزكييييية جدا وبداية الغرف

وبألف صحة وعافية

مع الإعتذار للجوعانين
ألف تحية وشكر للجميع
سلامي لكم
مع خالص التحية والتقدير

[فارس الأجواد]

مشكور على الطبخة والطريقه
لكن هماك مكثر البصل شوي


ولك محبتي

[عبدالهادي المفرج التميمي]

اشوى اني ما شفته الا عقب الفطوووووور
اخوي ابو عيووون كنى اشووف ان البصل ما انحمس زين ؟
والا هذي مهمه في طبختك انه يصير ني شوووي
لكن تبي الصدق تقوم الفجر وتصلي وتقهوى هذي طيبه
لكن فطووورك سمك مدري تنفع معنا والا ....لا والله ياربعي ان يدبغووووني >>> عسى ماله ريحة زفر بس
وتراااني طاقتني بوهتي في التميرااات وش نوعها ؟
تصدق لحم هالسمك كنه شاورما
مشكوووووووووووووور





سلام

[الجيب الاسود]

شكرا اخي على المقلقل. الله من السعابيل ههههههههههه الله لايهينك

[زلطه]

ابوعيون ودي اكشت معك

[ماجد عبدالله]

بسم الله الرحمن الرحيم

تقبل مروري وشكري الجزيل

لك مودتي

[عاشقة الصواعق]

طبخة طيبة

يعطيك الف عاافية

تحياتي

[اسبطر]

اخي العزيز ابو عيون
تسلم يمينك على هذه الطبخه
تراي ابجرب الطريقه وإذا ماصلحت تدفع التكاليف وش رايك

[ولد سدير]

طبخة مرتبه وشرحها ما يبي له اي تفسير
الله يعافيك

[بيلسان]

والله العظيم ان ريقي جم جم عليكم بالعافية ...

السمك من حينة شي عاد وشلون لا صار مقلقل